La Usc di Ladins

Le vëndres ai 28 de novëmber se á i mëmbri di Stödafüch da San Ciascian y i ghesć inviá incunté por la reuniun generala. Do le salüt da pert dl comandant Devis Crazzolara él gnü presenté le mëmber nü tut sö tratan l’ann; ara se trata de Clement Vindiollet. Ester che San Ciascian é n pice paisc, él dl ater vers n gran grup de stödafüch, che cumpëda incö begn 44 mëmbri atifs, le numer plü alt arjunt cina sëgn. N gran plajëi por le comandant y le consëi é sambëgn sté canche düc i 44 mëmbri se á presenté la sëra dla sentada generala – cossa che sozed dër dainré.
La sentada é spo stada l’ocajiun por premié i mëmbri cun plü agn de ativité. L’Ombolt Christian Pedevilla y le presidënt dl raiun di stödafüch dla Bassa Val de Puster Alois Steger á podü premié Aaron Sopplà y Stefan Vittur por 25 agn de ativité.

Deplü nes cunta Jacopo Pezzedi t’La Usc di Ladins di 21 de dezëmber