La Usc di Ladins

No demò sport ma ence cultura ambientala. L é chel che caraterisea la sociazion sportiva Monti Pallidi che en domenia ai 9 de mé à endrezà l prum ‘Wild Kids Day - Festa di Albres’, n event del Projet Monti Pallidi per l sostegn e la cura del teritorie. Na cincantina de bec e beze con si genitores se à troà da doman ló dal piazal del Oratorie per jir fin sun Penia, chi a pe e chi coi pulmins, olache ogneun à metù ju n picol alber. En dut l é stat metù ju 100 neves piantins che didarà a crear l ‘bosch Monti Pallidi’ ajache ogne an i bec e le beze de la Monti didarà a far crescer endodanef l bosch dessatà da Vaia e dal becherle.

Podede lejer dut su La Usc dai 22 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)