La Usc di Ladins

Ai 14 de mé se à binà per la terza outa l Consei provinzièl de Trent dedicà a ladins, mochegn e zimbres che l'Autorità per la mendranzes linguistiches, con la president fascèna Katia Vasselai, aea proponet de fèr n'outa al an e che l Consei à tout su: na ocajion olache Consei e Autorità se confronta sui temes de la trei comunanzes recognosciudes tel Trentin e lita su intervenc spezifics per l stravardament di deric e la valorisazion linguistica e culturala de chisc fondamenc de l'autonomia. 
L president Claudio Soini à avert recordan i mudamenc al Statut giusta aproé a Roma e la presidenta de l'Autorità Vasselai à sotrissà l'emportanza de chest moment de confront su la mendranzes linguistiches portà tel parlament provinzièl.
L é entervegnù etres raprejentanc di trei teritories e desvalives conseieres, l é stat rejonà  de na raprejentanza de derit tel Consei ence per mochegn-zimbres e del recognosciment di nonejes e l é stat portà dant e aproà cater ressoluzions per intervenc de stravardament e promozion de la trei comunanzes.

Podede lejer dut su La Usc dai 22 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Lucia Gross)