La Usc di Ladins

Temp Lede
Atualmënter
Lauratuere creatif per mëndri
Tla mostra Sevi »Dal lën al juech« tl Museum Gherdëina a Urtijëi vëniel metù a jì trëi lauratueres creatifs per mëndri cun Gloria Soppelsa: ncuei ai 22.05 dala 14:30 ala 16:00. Mutans y mutons dala 2a elementera ala 1a mesana ie bënunides. I posć ie limitei. L ie debujën de se scrì ite. Tel. 0471 797554
Atualmënter
Jì a Ciaval – iscrizions camps da d’instà
L zënter y la scola de jì a ciaval de Gherdëina »Pozamanigoni« mët a jì camps da d’instà per mutons dai 5 ani insù, tl’ena dai 22-26.06. y dai 24.-28.08.–for danmesdi. L unirà nce fat n camp cun durmì de 5 dis per chi che sà bele mpue da jì a ciaval la prima ena de lugio. Per plu nfurmazions y per se scrì ite: 349 8899128.
Atualmënter
Iscrizions curs de jì a ciaval per mutons:ans
Tl mëns de mei uniràl fat n curs per mparé a jì a ciaval fajan damat cun i ponys. N se anconta uni sada ta »Poza­manigoni« te Sëlva. L curs ie pensà per mëndri y majeri dai 3 ani insù. Per nfurmazions y iscrizions: 349 8899128.
22.05.
Markus Doggi Dorfmann a San Ciascian
Le Consëi de formaziun Badia inviëia a na serada cun Markus Doggi Dorfmann, incö vën­dres ai 22 de ma dales 20:00, tla Ciasa J. B. Rinna a San Ciascian. An pó vire n high­light musical plëgn de autenti­zité y umor. Na sëra da s’la rí y fá para, plëna de energia y bona löna.
23.05.
Batadù cun Frieda
Ai 23 de mei mët l KVW Urti­jëi a jì n turnoi de batadù tla cësa dla lies de Runcadic. L turnoi scumëncia dala 14:00. N possa se nuté su da Frieda nchin ai 20.05. cherdan su l 338 6663333 o scrijan a bacher frieda@gmail.com. Priesc: 10 € per cumëmbri, 15 € per nia cumëmbri.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
26.05.
Deboriada: L’ëiles danter lëur y lëur de cura
Dales 20:50. Test y cunzet So­f­ia Stuflesser, produziun Penn­pro, a cura de Leo Se­noner.
27.05.
Pizes dla Ladinia – via fereda Ziel
Dales 20:50 ca. Test y conzet Manfred Stuffer, produziun Kar­bonvideo, a cura de Ales­sandro Dapunt.
28.05.
Euro magazin de economia
Dales 20:50 ca. Cunzet Diego Clara, produziun Zak Multi­media, a cura de Leo Senoner.
Informaziuns
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Radio
22.05.
Manuel y si Fiat Balilla
Manuel Senoner de Sëlva ie l presidënt dl Vespa Club Gher­dëina, ma na si autra gran pascion ie chëla per i ve­dli auti. Dan 4 ani iel stat bon de abiné ca n Fiat 508 Balilla dl ann 1935 y nes conta de chësc auto d’epoca che tol si lëur ma che ti dà nce truepa legrëzes. Trasmiscion de Alex Runggaldier.
24.05.
»Nosc antenac – vives ti lecorc«
 Da pert dla grupa Seniones/KVW de Sëlva iel unì dat ora na publicazion che reporta n valguna parenteles y slates de Sëlva. Rujnon cun Marta Se­­noner dl Plòc che ie stata la ideatëura y cuordinatëura de chësc liber dal titul »Nosc an­tenac – vives tl lecort« (se­gonda pert). Trasmiscion de Georg Mussner.

Segres y Festes
31.05.
Segra da Bula
La segra da Bula sarà n du­mënia ai 31 de mei. Dala 09:00 saràl la Santa Mëssa y dala 10:00 suneràl la Böhmische da Bula y dala 11:45 la Mujiga di jëuni Gherdëina. Da ma­rënda puderàn se maië y bever zeche, dala 12:30 sunerà la mujiga de Kollmann y dala 14:30 balerà i »Gipflplattla«. Dala 15:30 jiràla inant cun mujiga y bona ueia cun la grupa »Cumpanies di Crëps«.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi, uni juebia dala 19:00 per dut l instà. Duc ie de cuer nviei, nce de tei che scumëncia permò.
30.05.
Tré o julé – Garejeda de boulder
La Grupa alpinisć Gherdëina mët a jì na garejeda de boulder ai 30 de mei dala 14:00 inant tla palestra de boulder a Run­cadic. La iscrizions vën tëutes su da Georg al 331 3325962. Da paië ite: 20 €.
24.05.
Festa del Fascia Balon
En domenia ai 24 de mé l Fascia Balon endreza la festa de la sozietà sul ciamp de Cotura. Da les 10:00 duc i jiadores sul ciamp, da les 12:00 verc la cojina e da les 15:30 l é la partida del campionat provinzièl de la squadra de pruma categoria.

Dotours
Dutor Gherdëina
L dutor de servisc dala 08.00 de n sada ai 23.05. nchin la 08:00 daduman de n lunesc ai 25.05. ie l dutor Giuliano Piccoliori de S. Cristina, tel. 0471 792282 o 348 3301004. L lunesc de Pasca de mei ie la duturëssa Janine Santi­faller de servisc, che ie da urté tl am­bulature dla dr.ssa Cordula Weber a Urtijëi, streda Tre­binger 10, tel. 377/3132223.
Doturs Val Badia 
Tla fin dl’edema de Pasca de Ma ai 23 y 24 de ma, sarál en sorvisc ti cin’ comuns dla Val Badia le dotur Giovanni Crivellaro, La Ila, tel. 348 0014266. En Lönesc de Pasca de Ma ai 25 de ma él en sorvisc la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 22.05. nchin n vënderdi ai 29.05. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 22 de ma dales 19:00 al vëndres ai 29 de ma ales 19:00, é chëra da Corvara, tel. 0471 830237.

Avisc
Atualmenter
50 egn de la gejia de Pera
A Pera per l cedean de la gejia neva e de la Crousc de Jumela: insnet, vender 22 de mé da les 20:30 te teater de Poza proiezion de filmac storics; mercol 27 da les 20:30 te gejia vea eucaristica; vender 29 da les 20:30 te gejia prejentazion del liber »Una chiesa accoglie una croce custodisce«. Sabeda ai 30 na focola passa fora per paisc e domenia 31 da les 10:00 messa grana, festa, ma­rena su prenotazion.
Atualmenter
Corsc de lengaz te biblioteca
La biblioteca de Cianacei met dant scontrèdes per emparèr i lengac con conversazion con letores esperc: vender ai 29 de mé e vender ai 5 de jugn da les 17:00 a les 18:00. Iscri­zions su whatsapp al 0462 602382.
Atualmënter
Mpresté trohtes a Urtijëi
Dai 20 de mei inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, ai 20 y 27 de mei y ai 3 de juni, cherdan su danora l numer de Nadja Moroder 334 5266014.
Atualmënter
Ciamena dal guant a Picolin
Le grup dla Ciamena dal guant a Picolin inviëia la jënt da gní a se chirí fora guant, la jöbia dales 14:00 ales 16:00. Düc é bëgnodüs, mo por gauja de lerch vëgnel ince perié, dal 1. de jügn inant, da ne dé nia jö guant por n pez. Ti ultims mëisc n’él gnü condüt dër tröp, deache la Caritas n’á nia plü fat la racoiüda da d’altonn. Plü inant, canche an ará dé ia le guant che an á, podarán indô nen condüje. Chësc gnará lascé alsavëi.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alza­da a tera sön la man ciampa. Al vëgn chiló tut sö dötes les che­stiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de difi­colté. L’ofize é tla str. Dan­te 2m a Bornech (Sternhof) y é davert lönesc y mercui dales 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TE­AMS« sun l computer y jì ite sot a chësc link: https://url-shortener.me/GIBM
22.05.
Prejentazion de la revista Gana
En vender ai 22 de mé da les 17:00, tel chèder de l’Aisciuda Ladina, te sala Danilo Dezu­lian dal Garber de Ciasa de la Moniaria a Sèn Jan vegn endrezà la prejentazion de la neva revista Gana con la auto­res, musega e n picol marindel.
22.05.
Do l vièl del saer
Vender 22 de mé da les 20:30 te Kino de Cianacei l Istitut Cultural Ladin porta dant l spetacol ‘Do l vièl del saer. Franz Dantone Pascalin vel te dir vèlch. L spetacol vegn portà dant ence jebia 28 de mé da les 20:30 a Gries te cort de Pascalin.
23.05.
Repair Café
La lia per Natura y Usanzes nvieia al Repair Café ai 23 de mei dala 9:00 nchin la 12:00 sun Plaza Stetteneck a Urtijëi. L Repair Café ie na ancunteda ulache n possa se lascé cuncé da esperc y esper­tes stofs, draps, guanc, aparac eletrics, rodes y bagli.
23.05.
Raida a Ciampedel
En sabeda ai 23 de mé, tel chèder de l’Aisciuda Ladina, l CGF endreza la seconda raida sul teritorie. Se se troa da les 9:00 jun Ischia e se va col menatroes Nicolò Cincelli sun Pian-Soracrepa e Cia­nacei.
27.05.
Scontrèda per la jent da mont
En mercol ai 27 de mé da les 17:30 te sala grana del Comun General de Fascia a Sèn Jan, tel chèder de l’Aisciuda La­dina, vegn endrezà na scon­trèda dal titol »Noscia jent per noscia tera« per la jent da mont che rencura noscia val.
27.05.
Aperitif col liber
L assessorat a la cultura del Comun de Sèn Jan endreza la scomenzadiva ‘Aperilibro 2026’: 4 mercoi e 4 autores da les 18:00 ló da la biblioteca de Vich. L quarto e ultim apun­­tament l é ai 27 de mé con l scritor Francesco Vi­dotto.
28.05.
Mostra e meisa torona a Cianacei
En jebia ai 28 de mé da les 17:00 te sala de Consei de Comun de Cianacei l é l’inau­dazion de la mostra de retrac e meisa torona: Ladins del Sela. 1946-2026: 80 egn da la Gran Radunanza.
28.05
Lejeme percheche te me ves ben
Biblioteca e Comun de Sèn Jan endreza ai 28 de mé da les 17:00 te sala del Consei de Comun la scontrèda »Leg­gimi perché mi vuoi bene«. La esperta de letradura per bec Maria Lunelli vidarà te n dialogh percacent genitores, educatores e ensegnanc; l é da se enscinuèr dant da lunesc ai 25 de mé te biblioteca, per telefon al 0462 763062 o per mail a sangiovannidifassa@biblio.tn.it.

Referac
26.05.
»Njeniei per la scola«
L VKE Gherdëina, deberieda cun l Cunsëi Furmazion de S. Cristina, mët a jì n referat cun la referënta Veronika Künig dal titul »Njeniei per la scola«, n merdi ai 26 de mei dala 20:00 tla biblioteca Tresl Gruber a S. Cristina.
27.05.
L’ert dl dialogh
Cialon de abiné ora deberieda cie che possa nes judé y dé forza te tëmps che se muda aslune. Te n dialogh daviert puderan rujené un cun l auter y mparé a scuté su cun l cuer. N mierculdi ai 27 de mei dala 19:30-21:30 tla biblioteca Tre­sl Gruber a S. Cristina. L se trata de na manifestazion metuda a jì dala »Praxisgruppe Dialog Südtirol«. N ie priei bel de se nuté su da Heinz scri­jan a heinzvastle@gmail.com, o tres whatsapp 346 4987730.
28.05.
Mutons y smartphones
Tla pitla sala dla Cësa de Cul­tura te Sëlva mët l KVW Sëlva a jì ai 28 de mei dala 20:00 na sëira per genitores cun la referënta Manuela Oberkalmsteiner dl Forum Prävention, per rujené de co ji jì permez ai media digitei te familia.

Cursc
22.05.
Luné pavëi da de nuet
La Lia Uciei Gherdëina nvieia a chësta sëira n vënderdi ai 22 de mei dala 20:45 pra l Oberspisserhof dedora da Puntives. Cun na lum aldò vëniel cherdà adalerch pavëi da de nuet che vën pona analisei.
22. y 29.05.
Infopoint informatica a San Martin
Le Consëi de formaziun da San Martin mët a jí na consu­lënza personala por vigni eté, sön domandes che reverda l’adoranza dl computer y dl fonin, SPID, e–mail y tan d’ater, cun la referënta Madda­lena Valentini. Vigni vëndres, cina ai 29 de ma dales 9:00 ales 11:00, tl salf di cursc dl Istitut Ladin. Al é da s’anunzié danfora al 347 6880248.
22.05.-02.06
Nseniamënc cun l lama Mark Weber
Lama Mark Weber vën a Urtijëi dai 22 de mei nchin ai 2 de juni. L vën urganisà diesc dis de nseniamënc n cont dl karma y dla dificulteies dla vita. N possa nce tò pert mé a una na fin dl’ena, dai 22 ai 24 de mei. Per nfurma­zions tel. 349 3751747, info@nybce.eu
09.06.
Domisdé de Kneipp
Le Consëi de formaziun da San Martin mët a jí n domisdé de Kneipp cun Waltraud Auer, che á fat la »Sebastian Kneipp Akademie«. An s’incunta en mertesc ai 9 de jügn dales 14:00 ales 17:00, pro le percurs Kneipp dlungia la Ciasa de palsa a San Martin. Le curs é por todësch. Infos y iscri­ziuns anter i 5 de jügn pro Monica Trebo al 334 8228799.

Mostres y Ert
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Kostner. L’esposizion va inant nchin ai 13 de juni.
Atualmënter
»31,1246667«
Tl Tublà da Nives te Sëlva iel metù ora na mostra coletiva dl’EPL–Ert por i Ladins dla Val Badia, sezion de ert figurativa, che sarà da udëi nchin ai 11 de juni. L titul ie tëut dala spersa de 31,1246667 m2 che uni artist:a à a despu­sizion.
Atualmënter
Mostra de La Prufesciunela
Tl self dla mostres dl Circolo mët la Scola prufesciunela per l Artejanat Artistich de Urtijëi ora na mostra di lëures fac ntan l ann, che resterà da udëi nchin ai 2 de juni, dal lunesc nchin ala dumënia, 17:00 – 19:00 y de sada y du­mënia nce danmesdì dala 10:00 – 12:00. 
Atualmënter
Mostra »Il terreno dei Giochi«
Cina ai 24 de ma él da odëi tl salf dl Istitut Ladin la mostra »Il terreno dei Giochi – costru­ire le Olimpiadi, trasformare il territorio«, na mostra de fotografies che tematisëia i Jüc Olimpics de Cortina dl 1956 y le 2026 cun so impat söl teritore. La mostra é da­verta vigni de dales 10:00 ales 12:00 y dales 15:00 ales 19:00.
20.05.
Nude – mostra
Tl Lizeum d’Ert Cademia iel metù ora na mostra dal titul »Nude«, che sarà da udëi mo ncuei, vënderdi ai 22 de mei (16:00–19:00). La finissage sarà pona n duman, sada ai 23 de mei, dala 9:00–12:00.
28.05.
»Corpi Santi« & »Gli eredi della solitudine«
Tla galaria Doris Ghetta a Puntives uniràl naugurà la mostra »Corpi Santi« de Pietro Moretti y »Gli eredi della soli­tudine« de Alessandro Twom­bly, ai 28 de mei dala 18:00 inant. La mostra sarà davierta nchin ai 12.09.
30.05.
Vernissage Bienela Gherdëina
La vernissage dla Bienela Gherdëina dal titul »(Future) Paradise Gardens« sarà ai 30.05. dala 10:00 inant tl self »Luis Trenker« tla Cësa di Cungresc a Urzijëi. La opres y nstalazions resterà da udëi nchin ai 13.09..

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Stra­da di Pr de Lejia 12 su apunta­ment tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfur­mazions pòssen scrì a gherdeina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
22.05.
Jita al Lech de Fie cun la grupa »Deberieda«
La grupa »Deberieda« nvieia a na jita Lech de Fie, n vën­derdi ai 22 de mei. N se an­conta dala 14:00 dan la Cësa de Paussa a Urtijëi. »Debe­rieda« ie na grupa cun ulente­res, per se ancunté danter persones che à problems psi­chics o de sozialisazion.

Publizistica
23.05.
Incuntada cun Julian Peter Messner
Le Consëi de formaziun La Val inviëia en sabeda ai 23 de ma dales 17:00 a na incuntada cun Julian Peter Messner, te pice salf de Comun a La Val. Al é atif tl ciamp dla scritöra, tla musiga y dl teater. Al liará fora de sü libri »ausnahmsweise ohne titel« y »Wörtersammeln und Stichwörteln« y cuntará de süa vita.
Mujiga
Atualmënter
Cianties populeres cun Willy Runggaldier
L KVW de Sëlva nvieia duc chëi che à legrëza a cianté n cum­panía ala ancuntedes cun Willy Runggaldier. N se an­conta for te Sëlva dala 15:00: ai 23 de mei tla ustaria Val, ai 6 de juni tl bar Okay ora Plan da Tieja y ai 18 de juni ta la utia Ciampac. La manife­stazion ie debant y l ne ie nia de bujën de se lascé nuté su!
23.05.
Conzert de la Musega de Poza
La Musega de Poza porta dant sie Conzert d’Aisciuda en sabeda ai 23 de mé da les 20:30 te tendon de la manife­stazions.

Chino
Atualmenter
Al chino de Cianacei
Insnet, vender 22 da les 20:30 l é l spetacol del ICL »Do l vièl del saer. Franz Dantone Pascalin vel te dir vèlch«, jebia 28 da les 20:30 te la rassegna di Comuns de Sèn Jan e Cianacei »Vittoria« film del 2024.
Atualmenter
Al chino de Pardac
Sabeda 23 da les 21:00 e do­menia 24 da les 17:00 l é »Pe­core sotto copertura«, domenia 24 da les 21:00 l é »Il diavolo veste Prada 2«, mercol 27, sabeda 30 e domenia 31 da les 21:00 l é »The Mandalorian and Grogu«.
Atualmenter
Al chino de Tieser
Doman, sabeda 23 de mé da les 21:00 e domenia 24 da les 17:00 l é »The Mandalorian and Grogu«, domenia 24 da les 20:30 l é »Il diavolo veste Prada 2«, mercol 27 da les 20:30 l é »Dolomitismo. Rac­conti verticali« con l regist Ema­nuele Contrin e l alpinist Samuel Zeni.
28.05
Al chino per fèr comunanza
Set film per set jebies da les 20:30 al chino de Cianacei per endrez di Assessorac a la cultura de Sèn Jan e de Cia­nacei en colaborazion con la sociazion Kino. En jebia ai 28 de mé l film del 2024 »Vittoria« rejona de identità, coraje e renasciuda.