La Usc di Ladins

Dan dodesc mënsc iel suzedù chël che povester deguni ne se ëssa aspità. L FC Gherdëina, che fova permò tl 2022 ruvà su tla prima categuria y l ann do, tl 2023, tla Prumozion, ova tres chël che n fova ruvei segondi pudù se bater cun i segondi dl Tren­tin. Chësc juech òven venciù y n pudova nscila fé mo n var plu insù, te na liga ulache deguna scuadra de Gherdëina ne fova mei stata. Śën, dodesc mënsc do, àn udù che l var fova povester propi massa grant. Ma, uni bedaia à doi pertes y sce da una na pert ne n’àla nia butà y n ie ruvei ultims, iel purempò stat n’esperienza scialdi positiva. Truep respunsabli dl’autra scuadres de chësc campiunat a livel de region à laudà l FCG, ajache n à trat tres dut l ann cun gran pert di mutons de Gherdëina. Chël ie velch che n ne vëija belau inió. 

SPM

L articul va inant tla edizion atuela de La Usc di Ladins.