La Usc di Ladins

Dotours
Dutor Gherdëina
L dutor de servisc dala 08.00 de n sada ai 16.05. nchin la 08:00 daduman de n lunesc ai 18.05. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 16 y 17 de ma, sarál en sorvisc ti cin’ comuns dla Val Badia le dotur Guido Caretta, Calfosch, tel. 0471 836870 o 337 616080.

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 15 de ma dales 19:00 al vën­dres ai 22 de ma ales 19:00, é chëra d’Al Plan, tel. 0474 501240.
Apoteca Gherdëina
L‘apoteca che ie de servisc ora dl orar urdiner de giaurida, da n vënderdi ai 15.05. nchin n vënderdi ai 22.05. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).

Chino
21.05
Al chino per fèr comunanza
Set film per set jebies da les 20:30 al chino de Cianacei per endrez di Assessorac a la cultura de Sèn Jan e de Ciana­cei en colaborazion con la sociazion Kino. En jebia ai 21 de mé l film del 2024/2025 »Tre ciotole« rejona de cura, fragilità e mudament personèl.
Atualmenter
Al chino de Cianacei
Insnet, vender 15 de mé da les 20:30 l é spetacol de la Scola ladina de Fascia »C’era una volta un bullo«, jebia 21 da les 20:30 te la ressegna di Comuns de Sèn Jan e Cianacei »Tre ciotole« film del 2025 e vender 22 da les 20:30 l é l spetacol del ICL »Do l vièl del saer. Franz Dantone Pasca­lin vel te dir vèlch«.
Atualmenter
Al chino de Pardac
Sabeda 16 de mé da les 21:00 e domenia 17 da les 17:00 l é »Il diavolo veste Prada 2« e da les 21:00 »La mummia«, mercol 20 da les 21:00 l é »Reminders of him«, sabeda 23 da les 21:00 e domenia 24 da les 17:00 l é »Pecore sotto copertura«.
Atualmenter
Al chino de Tieser
Insnet, vender 15 de mé da les 21:00 l é »Pecore sotto co­per­tura«, sabeda 16 da les 17:15 l é »Il diavolo veste Prada 2« e da les 21:00 l é »Mortal Kombat II« che vegn moscià ence domenia 17 da les 20:30, enveze da les 17:15 l é »Pecore sotto copertura«, jebia 21 e sabeda 23 da les 21:00 l é »The Mandalorian and Grogu«.

Teater
15/16.05.
Teater con i studenc
Insnet, vender 15 de mé da les 20:30 te Kino de Cianacei vegn portà dant l spetacol de teater con i studenc de la Scola Ladina dal titol ‘C’era una volta un bullo’ con la regia de Michela Marangoni. L spetacol vegn portà dant ence doman, sabeda 16 da les 20:30 te teater de Navalge.
15/17.05.
A teater con I Bontemponi
L grop de teater I Bontemponi porta dant doi repliches del spetacol »No l é mai massa tart«: vender ai 15 de mé da les 21:00 e domenia ai 17 da les 15:30 te Oratorie de Poza.

Publizistica
19.05.
Prejentazion dl liber
L liber »Storia dl Radio Ladin y dla Televijion Ladina 1946-2026«, de Carl Insam unirà prejentà tla Cësa di cungresc a Urtijëi n merdi ai 19 de mei dala 18:00.
23.05.
Incuntada cun Julian Peter Messner
Le Consëi de formaziun La Val inviëia en sabeda ai 23 de ma dales 17:00 a na incuntada cun Julian Peter Messner, te pice salf de Comun a La Val. Al é atif tl ciamp dla scritöra, tla musiga y dl teater. Al liará fora de sü libri »ausnahmsweise ohne titel« y »Wörtersammeln und Stichwörteln« y cuntará de süa vita.

Mostres y Ert
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Ko­stner. L’esposizion va inant nchin ai 13 de juni.
Atualmënter
Primal Focus – Niklas Jäger
Tl self dla mostres dl Circolo-Lia Mostra d’Ert iel da udëi lëures de Niklas Jäger. La mostra resterà davierta nchin ai 17 de mei ntan i orares de giaurida: dal merdi nchin la dumënia, 16:00–19:00 – de sada y dumënia iel daviert nce danmesdì, 10:00–12:00. De lunesc iel stlut.
Atualmënter
Mostra de Gabi Frontull
Cina en domënia ai 17 de ma él da odëi söl marcé dala ordöra da Balsan – Obstmarkt nr. 22, la mostra »Sinfonia dl cuadrat y dl cërtl«, olache al é da odëi operes de Gabriela Frontull.
15.05.
Mostra »Il terreno dei Giochi« a San Martin
Incö vëndres ai 15 de ma dales 18:00 él tl salf dl Istitut Ladin la daurida dla mostra »Il terre­no dei Giochi – costruire le Olimpiadi, trasformare il terri­torio«, na mostra de foto­grafies che tematisëia i Jüc Olimpics de Cortina dl 1956 y dl 2026 cun so impat söl teritore. La mostra é daverta dai 16 ai 24 de ma, vigni de dales 10:00 ales 12:00 y dales 15:00 ales 19:00.
16.05.
Cun nëine y lava te berstot
La lia La Vëta nvieia a chësc lauratuere tla berstot sa Doss, tla via Sneton 71A, n sada ai 16 de mei dala 08:30 nchin la 12:30. N possa se lascé nutè su da Martina al 389 5271000.
20.05.
Nude – mostra
Tl Lizeum d’Ert Cademia vëniel metù ora na mostra dal titul »Nude«, che unirà giaurida ai 20 de mei dala 17:00 y jirà inant nchin ai 22 de mei (16:00–19:00). La finissage sarà pona n sada ai 23 de mei, dala 9:00–12:00.

Referac
19.05.
La malatia psichica – n argumënt for mo tabù
Tla biblioteca »Oswald von Wolkenstein« te Sëlva vëniel metù a jì na mëisa turonda cun Hannelore Insam, l dutor Si­mon Kostner, Günther Plai­ckner (presidënt dla lia Aria­dne), l dutor Alberto Degiorgis (psichiater y psicoterapeut), n merdi ai 19 de mei dala 20:00.
26.05.
»Njeniei per la scola«
L VKE Gherdëina, deberieda cun l Cunsëi Furmazion de S. Cristina, mët a jì n referat cun la referënta Veronika Künig dal titul »Njeniei per la scola«, n merdi ai 26 de mei dala 20:00 tla biblioteca Tresl Gruber a S. Cristina.
27.05.
L’ert dl dialogh
Cialon de abiné ora deberieda cie che possa nes judé y dé forza te tëmps che se muda aslune. Te n dialogh daviert puderan rujené un cun l auter y mparé a scuté su cun l cuer. N mierculdi ai 27 de mei dala 19:30-21:30 tla biblioteca Tresl Gruber a S. Cristina. L se trata de na manifestazion metuda a jì dala »Praxisgruppe Dialog Südtirol«. N ie priei bel de se nuté su da Heinz scrijan a heinzvastle@gmail.com, o tres whatsapp 346 4987730.
28.05.
Mutons y smartphones
Tla pitla sala dla Cësa de Cul­tura te Sëlva mët l KVW Sëlva a jì ai 28 de mei dala 20:00 na sëira per genitores cun la referënta Manuela Oberkalmsteiner dl Forum Prävention, per rujené de co ji jì permez ai media digitei te familia.

Cursc
22.05.
Luné pavëi da de nuet
La Lia Uciei Gherdëina nvieia a chësta sëira n vënderdi ai 22 de mei dala 20:45 pra l Oberspisserhof dedora da Puntives. Cun na lum aldò vëniel cherdà adalerch pavëi da de nuet che vën pona analisei.
22.05.-02.06
Nseniamënc cun l lama Mark Weber
Lama Mark Weber vën a Ur­tijëi dai 22 de mei nchin ai 2 de juni. L vën urganisà diesc dis de nseniamënc n cont dl karma y dla dificulteies dla vita. N possa nce tò pert mé a una na fin dl’ena, dai 22 ai 24 de mei. Per nfurma­zions tel. 349 3751747, info@nybce.eu
15. y 22.05.
Infopoint informatica a San Martin
Le Consëi de formaziun da San Martin mët a jí na consu­lënza personala por vigni eté, sön domandes che reverda l’adoranza dl computer y dl fonin, SPID, e–mail y tan d’ater, cun la referënta Madda­lena Valentini. Vigni vëndres, cina ai 29 de ma dales 9:00 ales 11:00, tl salf di cursc dl Istitut Ladin. Al é da s’anunzié danfora al 347 6880248.
18.05.
Lí chertes da jí sö por munt
En lönesc ai 18 de ma dales 20:00 él te pice salf de Comun a La Val na sëra olache an pó imparé da lí chertes topogra­fiches y digitales da jí sö por munt, y co fá por arjigné ca na escurjiun (por prinzipianc). Referënt é Werner Frenes dla Lia da munt La Val. Organisa­ziun: Lia da Munt Ladinia Val Badia y Uniun Ëres La Val.

Avisc
Atualmenter
50 egn de la gejia de Pera
A Pera per l cedean de la gejia neva e de la Crousc de Jumela: vender 22 de mé da les 20:30 te teater de Poza proiezion de filmac storics; mercol 27 da les 20:30 te gejia vea eucari­stica; vender 29 da les 20:30 te gejia prejentazion del liber »Una chiesa accoglie una croce custodisce«. Sabeda ai 30 na focola passa fora per paisc e domenia 31 da les 10:00 messa grana, festa, marena su preno­tazion.
Atualmenter
Corsc de lengaz te biblioteca
La biblioteca de Cianacei met dant cater scontrèdes per em­parèr i lengac con conversazion con letores esperc: mercol ai 13 de mé, mercol ai 20 de mé, vender ai 29 de mé e ven­der ai 5 de jugn da les 17:00 a les 18:00. Iscrizions su whats­app al 0462 602382.
Atualmënter
»Diggy-Treff« ancuntedes digiteles
Ëis’a dumandes n con’ de co fé dumanda per l SPID, de co desćiarie na app o n refert de n labor? Ëis’a deficulteies cun prugrams o cun la nstala­zion de na software? Tulëde pea vosc njins tecnics y unide tla biblioteca de Sëlva. N juebia ai 21 de mei dala 18:00–21:00 sarà l espert Werner Messner iló a ve judé. L servisc ie debant.
Atualmënter
Ciamena dal guant a Picolin
Le grup dla Ciamena dal guant a Picolin inviëia la jënt da gní a se chirí fora guant, la jöbia dales 14:00 ales 16:00. Düc é bëgnodüs, mo por gauja de lerch vëgnel ince perié, dal 1. de jügn inant, da ne dé nia jö guant por n pez. Ti ultims mëisc n’él gnü condüt dër tröp, deache la Caritas n’á nia plü fat la racoiüda da d’altonn. Plü inant, canche an ará dé ia le guant che an á, podarán indô nen condüje. Chësc gnará lascé alsavëi.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
16.05.
Marcé dl barat a La Val
En doman sabeda ai 16 de ma dales 9:00 ales 17:00 él tl salf dles manifestaziuns da La Val n marcé dl barat por patüc d’aisciöda o isté. Al vëgn venü o baraté guant y cialzá da mituns o gragn, jüc, libri, DVDs, jüc por computer o Nintendo, atrezadöres por mituns. Plü infos por dé jö, vëne o baraté ciafon pro Kathrin al 349 3507357. Orga­nisaziun: cooperativa de co­mu­nité »Pares«.
16.05
L Grop Freinademetz tol su fer te Fascia
En sabeda ai 16 de mé i volon­tadives del Grop Miscionarie Freinademetz e Mato Grosso passa a Poza, Pera, Vich, So­raga, Mazin, Ciampestrin e Fontanac a tor su fer e metai. Vegn domanà de meter fora la roba jà da doman bonora apede strada che se la veide. Per roba grana o encompra o te autres paijes se pel chia­mar Pietro al 338.1125392 o Franco al 335.5956009.
19.05.
Prejentazion ‘Flora de Fascia’
L’Union di Ladins de Fascia endreza n’autra prejentazion del liber ‘Flora de Fascia’, en mèrtesc ai 19 de mé da les 20:30 te chino de Cianacei con i autores Nives Iori e Alberto Chiocchetti.
20.05.
Mpresté trohtes a Urtijëi
Dai 20 de mei inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, ai 20 y 27 de mei y ai 3 de juni, cherdan su danora l numer de Nadja Moroder 334 5266014.
20.05.
Aperitif col liber
L assessorat a la cultura del Comun de Sèn Jan endreza la scomenzadiva ‘Aperilibro 2026’: 4 mercoi e 4 autores da les 18:00 ló da la biblioteca de Vich. L terzo apuntament l é ai 20 de mé con la scritora Giulia Dal Mas.
22.05.
Do l vièl del saer
Vender 22 de mé da les 20:30 te Kino de Cianacei l Istitut Cultural Ladin porta dant l spetacol ‘Do l vièl del saer. Franz Dantone Pascalin vel te dir vèlch.’
22.05.
Prejentazion de la revista Gana
En vender ai 22 de mé da les 17:00, tel chèder de l’Aisciuda Ladina, te sala Danilo Dezu­lian dal Garber de Ciasa de la Moniaria a Sèn Jan vegn endrezà la prejentazion de la neva revista Gana con la auto­res, musega e n picol marindel.
23.05.
Repair Café
La lia per Natura y Usanzes nvieia al Repair Café ai 23 de mei dala 9:00 nchin la 12:00 sun Plaza Stetteneck a Urtijëi. L Repair Café ie na ancunteda ulache n possa se lascé cuncé da esperc y esper­tes stofs, draps, guanc, aparac eletrics, rodes y bagli.
28.05
Lejeme percheche te me ves ben
Biblioteca e Comun de Sèn Jan endreza ai 28 de mé da les 17:00 te sala del Consei de Comun la scontrèda »Leg­gimi perché mi vuoi bene«. La esperta de letradura per bec Maria Lunelli vidarà te n dialogh percacent genitores, educatores e ensegnanc; l é da se enscinuèr dant da lunesc ai 25 de mé te biblioteca, per telefon al 0462 763062 o per mail a sangiovannidifassa@biblio.tn.it.

Iadi y Jites
21.05.
Jita da d’ansciuda a Sant’Apollonia
La grupa Nëus jon pa bel plan mët a jì chësta jita ai 21 de mei. La curiera pëia via da Sëlva demez dala 7:15 (Hotel Oswald) y fërma a Santa Cristina dala 7:20 (Bar 2000) y a Urtijëi dala 7:30 (Plaza de S. Antone). L sarà da jì za. 4 ëura, cun n deslivel de 660 m. Iscrizions: dai 12 nchin ai 19 de mei tres Whatsapp o SMS scrijan l inuëm y ulache n sënta su – 334 720 1650 (Paola). Priesc per scric ite 18,00 €. Per nfurmazions: 328 914 6844 (Arthur), 338 836 2004 (Valentin) o 320 045 4724 (Helmuth).
08. y 09.06.
Pelegrinaje dl KVW
Le KVW dl comun de Badia mët a jí n pelegrinaje a Monte­castello, Tignale (lech de Garda) y da S. Luigi Gonzaga a Castiglione delle Stiviere, ai 8 y 9 de jügn. Le grup vëgn acom­­­­pagné da siur Iaco Wil­leit. Informaziuns y preno­taziuns anter i 25 de ma pro Christoph Pezzedi al 333 7219535.

Religion
22.05.
Crejima 2027 tla Val Badia
Ince l’ann che vëgn sarál la po­scibilité da ciafé le Sacra­mënt dla Crejima tla Val Badia, por i jogn che á complí 16 agn y á tut pert ales 8 in­cun­tades de preparaziun. Chë­sta pëia ia cun na pröma incuntada ai 6 de jügn 2026 y vá inant da setëmber cina merz 2027 n iade al mëis. I interessá de döta la valada, jogn y jones cun geniturs (ev. toc), é inviá a na sëra d’infor­ma­ziun, en vëndres ai 22 de ma dales 19:30, tl Istitut Ladin a San Martin.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
19.05.
Eie e Spieie – l bon saor de cesa
Dales 20:50. Test y regia Cin­zia Pistoia, produziun Penn­pro, a cura de Alessandro Dapunt.
20.05.
Trail Spezial - festival dla Poesia alpina
Trail Spezial, n mierculdi ai 20 de mei dala 20:50 sun Rai Ladinia: Danter la comuniteies linguistiches di Grijons, di ladins dla Dolomites y dl Friul iel liams strënc, sibe tl‘identità che nce tla cultura. Per renfurzé chisc liams y per ti permëter tl medem tëmp a n publich mpue plu grant de cunscidré la richëza leterera de chësta comuniteies iel unì metù a jì per l segondo iede, do la premiere garateda tl 2023, l Festlval dla Poesia alpina dal didancuei.
21.05.
S-link – motores anima analogica o digítela?
Dales 20:50 ca. Tesc’, regia y produziun Cinzia Pistoia, a cura de Alessandro Dapunt.

Sozial
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mu­tons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la rela­zions te c‑sa. L avert a duc e debant a S‑n Jan te Str­­a­da di Pr de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
20.05.
Scontrèdes de 
auto mutuo aiut
La sociazion Rencureme de Fascia e Fiem endreza scontrè­des de auto mutuo aiut per chi che à te cèsa parenc con problemes de memoria e decadiment cognitif. Quinta e ultima scontrèda en mercol ai 20 de mé da les 20:00 te Ciasa de Noscia Jent a Poza.
22.05.
Jita al Lech de Fie cun la grupa »Deberieda«
La grupa »Deberieda« nvieia a na jita Lech de Fie, n vën­derdi ai 22 de mei. N se an­conta dala 14:00 dan la Cësa de Paussa a Urtijëi. »Deberie­da« ie na grupa cun ulenteres, per se ancunté danter persones che à problems psichics o de sozialisazion.

Segres y Festes
16.05.
Festa d’ansciuda dl FC Gherdëina
L FC Gherdëina mët a jì chësta festa cun partides di jëuni, mujiga, da maië y da bever y bona ueia! Duc ie nviei de cuer a passé n sada ai 16 de mei dala 9:00 inant.
31.05.
Segra da Bula
La segra da Bula sarà n dumë­nia ai 31 de mei. Dala 09:00 saràl la Santa Mëssa y dala 10:00 suneràl la Böhmische da Bula y dala 11:45 la Mujiga di jëuni Gherdëina. Da ma­rënda puderàn se maië y bever zeche, dala 12:30 sunerà la mujiga de Kollmann y dala 14:30 balerà i »Gipflplattla«. Dala 15:30 jiràla inant cun mujiga y bona ueia cun la grupa »Cumpanies di Crëps«.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi jirà inant uni juebia dala 19:00 per dut l instà. Duc ie de cuer nviei, nce de tei che scumëncia permò.
18.05
Iscrizions Bike Days per mutons:ans
L VKE Gherdëina mët a jì n curs per furné cun la roda per mutons y mutans nasciui danter l 2015 y l 2020. L curs unirà tenì sibe te Sëlva che nce a Urtijëi, ai 3, 8 y 11 de juni, for dala 13:30–17:00. Iscrizions: dai 18 de mei dala 20:00 inant sot a https://www.vke.it/de/sektionen/vke-gher deina. Cost: 30 Euro per cu­mëmbri.
30.05.
Tré o julé – Garejeda de boulder
La Grupa alpinisć Gherdëina mët a jì na garejeda de boulder ai 30 de mei dala 14:00 inant tla palestra de boulder a Run­cadic. La iscrizions vën tëutes su da Georg al 331 3325962. Da paië ite: 20 €.

Temp Lede
Atualmënter
Lauratuere creatif per mëndri
Tla mostra Sevi »Dal lën al juech« tl Museum Gherdëina a Urtijëi vëniel metù a jì trëi lauratueres creatifs per mëndri cun Gloria Soppelsa: ncuei vënderdi ai 15.05 y ai 22.05 dala 14:30 ala 16:00. Mutans y mutons dala 2a elementera ala 1a mesana ie bënunides. I posć ie limitei. L ie debujën de se scrì ite. Tel. 0471 797554
Atualmënter
Jì a Ciaval – iscrizions camps da d’instà
L zënter y la scola de jì a ciaval de Gherdëina »Pozamanigoni« mët a jì camps da d’instà per mutons dai 5 ani insù, tl’ena dai 22-26.06. y dai 24.-28.08.–for danmesdi. L unirà nce fat n camp cun durmì de 5 dis per chi che sà bele mpue da jì a ciaval la prima ena de lugio. Per plu nfurmazions y per se scrì ite: 349 8899128.
Atualmënter
Iscrizions curs de jì a ciaval per mutons:ans
Tl mëns de mei uniràl fat n curs per mparé a jì a ciaval fajan damat cun i ponys. N se anconta uni sada ta »Poza­manigoni« te Sëlva. L curs ie pensà per mëndri y majeri dai 3 ani insù. Per nfurmazions y iscrizions: 349 8899128.
16.05.
Marcià dala Poza
N sada ai 16 de mei, dala 08:00 nchin la 14:00, vëniel inò a s’l dé l Marcià dala Poza sun la streda Nives te Sëlva, n marcià tradiziunel che ie pont de ancunteda per duc i zitadins y la zitadines, cun mesun de se maië y bever zec­­he pra l stont di »Alpini Val Gardena«, ulache l vën pità crafuncins fac ntës, śaura, lianies blances, lianies, cra­fons. Sëuraprò saràl nce ntra­tenimënt mujighel cun la cian­tarina Sabrina Salvestrin.

Mujiga
Atualmënter
Cianties populeres cun Willy Runggaldier
L KVW de Sëlva nvieia duc chëi che à legrëza a cianté n cumpanía ala ancuntedes cun Willy Runggaldier. N se an­conta for te Sëlva dala 15:00: ai 14 de mei tla Stua di Senio­res, ai 23 de mei tla ustaria Val, ai 6 de juni tl bar Okay ora Plan da Tieja y ai 18 de juni ta la utia Ciampac. La manifestazion ie debant y l ne ie nia de bujën de se lascé nuté su!
15.05.
Conzert d’aisciöda dla Müjiga Calfosch – Corvara
La Müjiga Calfosch – Corvara ves inviëia dër bel al conzert d’aisciöda, incö vëndres ai 15 de ma dales 20:30, tl salf dles manifestaziuns a Corvara. Al sonará por os ince la musiga di jogn »The Groovy Wind Band«.
16.05.
50 agn Scora de Musiga Val Badia
En doman sabeda ai 16 de ma dales 16:00 él te Ciasa dla Cultura a La Ila na festa cun conzert por recordé i 50 agn dla Scora de Musiga Val Ba­dia. Mituns y i maestri lasciará aldí toc da plüdadî y da sëgn y al sará da odëi val’ fotografia da zacan y manco vedla.
16.05.
Melodies d’aisciöda a San Ciascian
Ince chësc ann á la Musiga da San Ciascian arjigné cun gran impëgn y lezitënza le conzert d’aisciöda, che sará da aldí en doman sabeda ai 16 de ma dales 20:30 tla Ciasa »J.B. Rinna« da San Ciascian.
16.05.
Conzert »Südtirol – nosta patria«
La Musiga da San Martin de Tor á indô le plajëi da porté dant le program imparé ite ti ultims mëisc, en chësc ann sot al titul »Südtirol – nosta patria.« L’apuntamënt é en doman sabeda ai 16 de ma dales 20:00, tl salf dles mani­festaziuns da San Martin.
17.05.
Conzert folk de Il Pentagramma
L laboratorie folk de la Scola de musega Il Pentagramma con l Maester Daniele Girardi, en colaborazion con Rencu­reme, met dant en domenia ai 17 de mé da les 16:30 a La Gran Ciasa a Soraga l conzert ‘La conties de la musega III’. Vegn tout su bonamans per la sociazion Malaties rères del Trentin.
23.05.
Cunzert da d’ansciuda dl Cor Sasslong
L Cor Sasslong nvieia a si cunzert da d’ansciuda ai 23 de mei dala 18:00 tla sala de Che­mun de S. Cristina. Diri­ghënt: Samuel Runggeldier, armonica: Tobias Klassen, chitara: Hubert Frontul, per­cu­scion: Maikol Demetz.