La Usc di Ladins

Canche i scolees de la scoles de Fascia vegn te redazion de La Usc l é semper n arichiment, per ic ma ence per nos giornalistes che se n fajon marevea de la viveza, de la gaissa e del enteres che i desmostra per nosc lurier e per l sfoi ladin. En jebia ai 14 e en vender ai 15 de mé l é ruà te Ciasa de la Moniaria i scolees de la clasc quinta populèra de Poza, spartii te doi gropes, compagné da la maestra Claudia Costa e en vender ence da la maestra Anna Barbolini.
Prum de dut l é da ge dèr merit e ge fèr i complimenc a la maestra Costa per coche l’à enjignà dantfora si scolees: la ge à ensegnà vèlch regola del giornalism, de scritura de articoi e la ge à fat cognoscer l sfoi ladin che i à vardà fora più che n’outa te clasc, i à vedù coche l é spartì aldò de la valèdes e coluna rubriches che vegn publicà. Duc chenc se aea enjignà defat amancol na domana da ne fèr.
Dò la pèrt informativa ge é stat fat veder l lurier pratich de impaginazion, de comedamenc e de co scriver e meter sobito online n articol.

Podede lejer dut su La Usc dai 22 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla e Lucia Gross)