Bedaia de bront
Garejeda de libra a Kitzbühel, ai 23 de jené dl 1965: terzo Ivo Mahlknecht, do l tudësch Ludwig Leitner prim y l svizer Willy Favre segondo. Gerhard Mussner fova ruvà cuinto, nce per ël n plazamënt de marueia.
Trëi de Gherdëina ti undesc
Per sotrissé tan bon che Ivo Mahlkecht fova stat ntlëuta pra chëla garejeda tléchel ti cialé ai atlec de livel mundiel
che fova mo do ël: Jean-Claude Killy fova 10ejim, Carletto Senoner 11ejim, Karl Schranz 13ejim. Karl Mahlknecht da Palmer, parënt de Ivo ma dandaldut si bon cumpani, nes à mandà la tlassifica de chëla garejeda, ajache ti lecorc dl’arjontes sportives de bera Ivo manciòvel ti media raionei chësc plazamënt, zënzauter l miëur de si cariera. Ajache Mundiei o Olimpiades via o ca, n podest a Kitzbühel vel mefun mo deplù, pra chësta disziplina.
Ivo Mahlknecht, atleta dai schi te duta la disziplines
Ivo Mahlknecht, nasciù tl 1939, fova un che fajova pea duta la garejedes, n "allrounder" coche n dij al didancuei. L fajova pea sibe la garejedes de libra che nce de slalom strënt, de slalom lerch y la cumbinazion. L à fat pea la Olimpiades de Dispruch tl 1964, ruvan 19ejim tla libra, 16ejim tl slalom lerch y 15ejim tl slalom strënt. Tl 1966 iel ruvà sesto pra i Campiunac dl Mond de Portillo. L à fat pea ntan la doi prima sajons de Copa dl Mond, ruvan cater iedesc ti prims diesc y arjunjan coche miëur resultac doi cuinti plazamënc tla sajon 1966-1967. Ma mpo, nce sce l ne fova mo nia la formula nueva: l miëur plazamënt resta la bedaia de bront a Kitzbühel tla garejeda di 23 de jené dl 1965. Pra i Campiunac Talians à Ivo Mahlknecht venciù diesc bedaies d’or, mpue’ te duta la disziplines, cater bedaies d’arjënt y una na bedaia de bront. Tl 1968, pra la Olimpiades a Grenoble, ulache Killy ova venciù bën trëi garejedes,
fova Ivo Mahlknecht ruvà sesto tla libra. Do avëi lascià de fé garejedes ie Ivo Mahlknecht stat trainadëur dla "Valanga Azzurra" ti ani setanta.
"Na persona omla"
Karl Mahlknecht conta de Ivo Mahlknecht che coche persona fòvel for scialdi oml, l ne à mei bravà de si resultac, coche d’autri fej datrai. Danter la truepa ncëries de Ivo Mahlknecht iel da auzé ora che l ie nce stat vint ani alalongia tl cunsëi d’aministrazion dla Nudadoia Mardolomit. L cunsëi d’aministrazion jiva y va mo for uni ann a ti cialé a d’autra nudadoies, te na jita de nfurmazion y de furmazion; pra na tel ucajion fòvel unì fat la fotografia njunteda pra chësc articul.
Che Ivo Mahlknecht, atleta dai schi y galantom, posse paussé tla pesc de Die!
L articul ntier sarà da liejer tla edizion stampeda di 10 de auril.
David Lardschneider
FOTO: Ivo Mahlknecht da Palmer, segonda da man ciancia, se n ie jit massa abenëura per gauja dl coronavirus. Da man ciancia: Eugen Obletter da Juaut, Ivo Mahlknecht, Alexander Vinatzer da Poz – Alpenheim y Karl Mahlknecht da Palmer pra na jita de furmazion dl cunsëi d’aministrazion dla Nudadoia Mardolomit.
Per sotrissé tan bon che Ivo Mahlkecht fova stat ntlëuta pra chëla garejeda tléchel ti cialé ai atlec de livel mundiel
View the embedded image gallery online at:
https://www.lausc.it/valedes-ladines/gherdeina/12330-ivo-mahlknecht-da-palmer-atleta-y-galantom#sigProId6a7bc69a1c
https://www.lausc.it/valedes-ladines/gherdeina/12330-ivo-mahlknecht-da-palmer-atleta-y-galantom#sigProId6a7bc69a1c
Ivo Mahlknecht, atleta dai schi te duta la disziplines
Ivo Mahlknecht, nasciù tl 1939, fova un che fajova pea duta la garejedes, n "allrounder" coche n dij al didancuei. L fajova pea sibe la garejedes de libra che nce de slalom strënt, de slalom lerch y la cumbinazion. L à fat pea la Olimpiades de Dispruch tl 1964, ruvan 19ejim tla libra, 16ejim tl slalom lerch y 15ejim tl slalom strënt. Tl 1966 iel ruvà sesto pra i Campiunac dl Mond de Portillo. L à fat pea ntan la doi prima sajons de Copa dl Mond, ruvan cater iedesc ti prims diesc y arjunjan coche miëur resultac doi cuinti plazamënc tla sajon 1966-1967. Ma mpo, nce sce l ne fova mo nia la formula nueva: l miëur plazamënt resta la bedaia de bront a Kitzbühel tla garejeda di 23 de jené dl 1965. Pra i Campiunac Talians à Ivo Mahlknecht venciù diesc bedaies d’or, mpue’ te duta la disziplines, cater bedaies d’arjënt y una na bedaia de bront. Tl 1968, pra la Olimpiades a Grenoble, ulache Killy ova venciù bën trëi garejedes,
View the embedded image gallery online at:
https://www.lausc.it/valedes-ladines/gherdeina/12330-ivo-mahlknecht-da-palmer-atleta-y-galantom#sigProId6a7bc69a1c
https://www.lausc.it/valedes-ladines/gherdeina/12330-ivo-mahlknecht-da-palmer-atleta-y-galantom#sigProId6a7bc69a1c
"Na persona omla"
Karl Mahlknecht conta de Ivo Mahlknecht che coche persona fòvel for scialdi oml, l ne à mei bravà de si resultac, coche d’autri fej datrai. Danter la truepa ncëries de Ivo Mahlknecht iel da auzé ora che l ie nce stat vint ani alalongia tl cunsëi d’aministrazion dla Nudadoia Mardolomit. L cunsëi d’aministrazion jiva y va mo for uni ann a ti cialé a d’autra nudadoies, te na jita de nfurmazion y de furmazion; pra na tel ucajion fòvel unì fat la fotografia njunteda pra chësc articul.
Che Ivo Mahlknecht, atleta dai schi y galantom, posse paussé tla pesc de Die!
L articul ntier sarà da liejer tla edizion stampeda di 10 de auril.
David Lardschneider
FOTO: Ivo Mahlknecht da Palmer, segonda da man ciancia, se n ie jit massa abenëura per gauja dl coronavirus. Da man ciancia: Eugen Obletter da Juaut, Ivo Mahlknecht, Alexander Vinatzer da Poz – Alpenheim y Karl Mahlknecht da Palmer pra na jita de furmazion dl cunsëi d’aministrazion dla Nudadoia Mardolomit.
