La Usc di Ladins

L’ann academich nü mët man ince tla Université Lëdia de Balsan, olache al é n valgönes novités a ce dles Facoltés. Öna reverda la Facolté de Sciënzes dla Formaziun a Porsenú, olache le prof. Paul Videsott é indô gnü nominé tla inciaria da degan dla Facolté. Le professur de Filologia Romanza/Ladinistica ê bele sté degan dla Facolté de Sciënzes dla Formaziun por döes periodes - dal 2017 al 2023 – y röia insciö por le terzo iade te chësta inciaria, che al vëiga sciöche sorvisc ala istituziun: "I me identifichëii deplëgn cun i traverc dla Facolté y ó daidé para da i arjunje", dij Videsott, che sará degan por i proscims trëi agn. Te süa inciaria gnarál sostegní dala prof. Heidrun Demo sciöche vize y prodegana por l’Insegnamënt, tratan che le prof. Robert Philipp Wagensommer surantol la inciaria da prodegan por la Inrescida y la Terza Misciun.  (pablo)