La Usc di Ladins

Ala fin d’agost ie mort Josef Demetz, truep ani alalongia diretëur dla Scola Mesana de Sëlva. Demetz ie oradechël stat truep ani te Chemun de Sëlva, te Cunsëi y te Jonta, nce coche vizeambolt.

Josef Demetz se n ie jit, puech do si surans. Te si atività publica truep ani alalongia tl’aministrazion cumenela de Sëlva àl for nce cialà di pitli, dla cumenanza duta, che duc unissa tratei na na maniera iusta. Chësc nseniamënt ulons se tò pea: de recunëscer for la denità de uniun y uniuna, si dërc, per n mond iust. De gra de dut Josef, paussa tla pesc de Die, cassù alauta. Y son segur che ntan che te liejes chësta risses es bele fat n valguna zitazions da rì, n trëi dla ties. L ie stat bel a te avëi.

Deplù tla edizion stampeda di 14 de setëmber.

David Lardschneider

FOTO: Josef Demetz ie mort ai 25 de agost dl 2021.