La Usc di Ladins

Nüsc paisc y nosta contrada é ric de toponims dër vedli, che se mirita da gní mantignis. La gran pert di toponims ladins vëgn dal latin, mo nia püc á raisc plü vedles, prelatines, che vá zoruch al lingaz baié dales popolazions che viô dandaia tl raiun zentral dles Alpes. A chëstes popolaziuns ti á i Romans dé l’inom coletif "Raeti" y a so teritore l’inom "Raetia". Mo che ê pa i Rec y ci lingaz o lingac rajonâi pa? La sciënza n’á nia ciamó salpü da dé na resposta definitiva a chëstes domandes. Plü dessigü ê laota nosta regiun na tera de contat danter i Rec, na popolaziun preindoeuropea, y les popolaziuns celtiches o celtisades dl Noricum y dla Talia dl Nord. Plü tert spo, canche les legiuns romanes sot Drusus y Tiberius, fis de lëgn dl imparadú Augustus (63 dan G. C. – 14 do G. C.), á tut ite le teritore di Rec y l’á incorporé tl Imper roman sciöche provinzia romana, á la popoplaziun indigena surantut dai patruns nüs, a bones o a ries, tröpes cosses pratiches y ince so lingaz, le latin, mantignin impó cotan de parores y formes dl lingaz di antenac. Ciamó incö unse tambëgn tl lingaz da vigni de che tla toponomastica ladina cotan de parores prelatines sciöche barantl, dascia, brama, crëp o Roa dal Cier (Badia).

Deplü sön i toponims y en particolar sön dui toponims a San Ciascian, nes cunta Lois Trebo t’La Usc di Ladins di 2 de ma