La Usc di Ladins

Duc che sauta tres l luech, te una na man l fonin, tl’autra la sportula dal pan y tl cë na lingia de robes che n à mo da fé. Y pona, te n iede ieles iló, doi de tel figures che te cëla cun udleies da surëdl o iló, n ël dal gurmel brum depënt sun n mur de na cësa, sentà a paussé, zënza prëscia. 

Te nosta sozietà te chëla che dut muessa jì debota y ulache l semea che l tëmp y dantaldut i scioldi ne sibe mei assé, ie la scultures dla bienela »Idea Unika« belau coche n sas metù amesa streda, te chël che te ciumpëides. Y nscila te fërmes y te muesses belau ti cialé a chisc lëures. Propi chësc ie nce l nvit di set artisć y una na artista dla grupa Unika – Rupert Elias Kreuzer, Christian Stl, Armin Grunt, Fabrizio Senoner, Ivo Piazza, Wilhelm Seno­ner, Chelita Zuckermann y Matthias Sieff – che mët chëst ann ora si opres tl zënter dl luech de Urtijëi, a Santa Cristina y te Sëlva.

Elisabeth Kostner

L articul ntier tla edizion nueva de La Usc di Ladins de n vënderdi ai 18 de lugio.