La Usc di Ladins

Sozial
Atualmenter
Tel bosch co la jent de età
La sociazion Rencureme e Spazio Argento del Comun Ge­neral de Fascia endreza spazirèdes te la natura per persones dai 65 egn en su, con Katiuscia Rasom e Ta­tiana Tulini espertes de Bagn de Bosch (Forest Bathing). Da les 14:00 ai 3, 10 e 17 de messèl. Ge vel se enscinuèr chiaman Katiuscia al 393 3377940 o Tatiana al 349 5455352.
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Strada di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 17 de messé. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
11.07.
Jon sun Secëda – grupa »Deberieda«
N vënderdi ai 11 de lugio se ancónten dala 14:00 a Urtijëi dan la Cësa de Paussa per furné sun Secëda, ulache n se fërma sa la Utia Sofie. «Deberieda« ie na grupa cun ulenteres per se ancunté dan­ter persones che à problems psichics o de sozialisazion.

Sport
12.07.
DoloMyths Run a Cianacei
Ai 12 de messèl a Cianacei l é la 27^ DoloMyths Run. En sabeda da les 6:45 da doman ponta via i atlec per la Dolo­Myths Run 12K Junior: 12 km e 800 metres de dislivel da fèr te 3 ores da Cianacei a Fedaa. Da les 7:15 ponta via la DoloMyths Run 42K Fassa TRail: 43 km, 2.300 metres de dislivel da fèr te 12 ores con partenza e travert a Cianacei.
13.07.
DoloMyths Run Skyrace
En domenia ai 13 de messèl a Cianacei l é la 27^ Dolo­Myths Run Skyrace, 22 km con n dislivel positif de 1.750 metres. I concorenc ponta via da les 8:15 da piaz Marconi de Cianacei, i cor sun fin sun Piz Boè e ju per la Val Lasties.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
08. – 10.09.
Pelegrinaje tla Slovenia
Le KVW Val Badia organisëia n pelegrinaje tla Slovenia cun siur degan Iaco Willeit, ai 8, 9 y 10 de setëmber. Prenota­ziuns y informaziuns pro Chri­­­stoph Pezzedi al 333 7219535 o ala mail crix.pezzedi@gmail.com .
12.–13.07.
Sté sëuranuet tla utia Radlsee
N sada y dumënia ai 12 y 13 de lugio mët la grupa dla Lia da Mont »Nëus granc y pitli« a jì na jita nchin sa la utia Radl­see tla Elpes de Sarntal, ulache n stajerà a durmì. N se anconta n sada dala 14.00 dala plaza dai auti Kühhof a Latzfons, ulache n sarà de re­viers l di do. L sarà da jì feter 2,5 ëura nchin pra la utia y l di do zirca 3,5–4 ëura. Iscrizions: merdi ai 8 de lugio dala 19.00 inant tres Whats­App a Sabrina al numer de telefonn 339/4191254. I scric ite pra la Lia da Mont vën trac dant.

Mostres y Ert
Atualmenter
Mostra Genius a Vich
Fin ai 22 de aost te la scoles populères de Vich se pel veder la mostra ‘Genius–Leonardo da Vinci anter èrt e scienza’ endrezèda dai studenc del liceo scientifich e artistich de la Scola Ladina en colabora­zion con l Ecomuseo de la Roggia Mora de Vigevano: de lunesc, mercol e jebia da les 15:00 a les 19:30 e da les 20:00 a les 22:00; de mèrtesc, vender e domenia demò do­mesdì, de sabeda serà.
Atualmenter
Insec africhegn en mostra al MUSE
Fin ai 3 de aost al MUSE de Trent te la ‘Foresta tropicale montana’ se pel veder ence la mostra »Bugs’ life« te su la marevees di invertebré de l’Africa. I insec con formes e colores da marevea é metui fora respetan sie esser e la segureza di vijitadores. L MUSE é avert dal mèrtesc al vender da les 10:00 fin les 18:00 e de sabeda, domenia e festes fin les 19:00.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia carateriestiches gran operes restarà fora da poder veder per dut istà, enscin al meis de otober.
Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Ciastel de Tor la mostra spe­ziala »Countdown to mass extinction?«, da odëi tl Mu­seum Ciastel de Tor. La mo­stra se dá jö cun la plü gran estinziun de massa tla storia dla tera, en relaziun cun la crisa climatica d’aldedaincö.
Atualmënter
Mostra de Lois Anvidalfarei
»Cina ai 16 d’agost él da odëi tl Musum dla cité de Tlüses, str. Frag 1, la mostra »Corpus meum« de Lois Anvidalfarei. La mostra é daverta dal mer­tesc ala sabeda dales 9:30 ales 12:00 y dales 15:30 ales 18:00. Domënia y lönesc ésera stlüta.
Atualmënter
Mostra coletiva »L sonn dl cheder«
Tla galaria Vijion a Puntives ie metuda ora la mostra »L sonn dl cheder«, na mostra coletiva cun opres di set artisć nternaziunei Manuela Bede­schi, Flavio Senoner, Karsten Hein, Rabeah Mashinchi, Jeremi Ca, Gerhard Hotter y Laura Pan. La mostra resterà da udëi nchin ai 19 de lugio, dal lunesc nchin sada dala 16:00–19:00, o cherdan su l 338 2098697.
Atualmënter
Formes y culëures
La mostra dl turnadëur Andreas Senoner tl Tublà da Nives te Sëlva resterà davierta nchin ai 3 d’agost uni di ora che l lunesc, dala 16:00 ala 19:00. Merdi, mierculdi y vënderdi nce dala 20:00 ala 22:00.
04.07.
»Ristla«
L Circolo–Lia Mostra d’Ert nvieia de cuer ala giaurida dla mostra «ristla» tl self dla lia, ai 4 de lugio dala 18:00. La mostra resterà da udëi nchin ai 23 de lugio, dal merdi ala dumënia dala 16:00–19:00 y de sada y dumënia nce danmesdì, 10:00–12:00. N vënderdi ai 11 de lugio saràl daviert nce dala 20:00–22:00–i artisć sarà prejënc. Ntan la finissage ai 23.07. gëura la mostra bele dala 14:00.
04.07.
»Cie giapa pa l paur?« – Giaurida dla Mostra
L Museum storich-culturel dla Provinzia de Bulsan Ciastel Tirol, nvieia de cuer ala giaurida dla mostra de Elisabeth Frei «Was kriegt der Bauer» («Cie giapa pa l paur?»), ncuei, vënderdi ai 4 de lugio, dala 18:00 tl Ciastel Tirol. La mostra resterà da udëi nchin ai 9 de nuvëmber.
11.07.
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ula­che artisć:tes dl luech prejenterà si lëures nchin a mez setëmber.
18.07.
Giaurida dla mostra »Eden«
Tla biblioteca Tresl Gruber a S. Cristina vëniel giaurì la mostra Eden, cun chedri de Michela Piazza y poejies de Nadia Rungger – n vënderdi ai 18 de lugio dala 17:00.

Dotours
Dutor Gherdëina
L dutor de servisc da n sada ai 12.07. dala 08:00 daduman nchin la 08:00 daduman de n lunesc ai 14.07. ie l dutor Simon Kostner de Sëlva, tel. 347 2297492.
Doturs Val Badia 
Tla fin dl’edema di 12 y 13 de messé, él en sorvisc ti co­muns de Badia, Corvara y La Val le dotur Guido Caretta, Calfosch, tel. 0471 836870 o 337 616080. Ti co­muns de Mareo y San Martin de Tor él en sorvisc ai 12 de messé le dotur Eduard Agrei­ter, San Martin de Tor, tel. 0474 523315 o 333 1380852; ai 13 de messé él en sorvisc la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 11.07. nchin n vënderdi ai 18.07. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 11 de messé dales 19:00 al vëndres ai 18 de messé ales 19:00, é chëra d’Al Plan, tel. 0474 501240.

Temp Lede
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Ni­ves te Sëlva dala 20:30 inant uni lunesc nchin ai 25 de agost.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 25.07., 15.08. y 29.08.). Sam­bën ne manceràl nia de bela mujiga.
11. y 12.07.
»FFL On Tour« cun Federica Costantini
Ai 11 y 12 de messé mët a jí Movimënt dui dis dedicá al fitness y al yoga, cun Federica Costantini. Incö vëndres ai 11 dales 18:30 él n referat sön la pre­venziun, tl salf dles manife­staziuns a Corvara, cun doturs y alenadus dla Federica Fit­ness Library. La sabeda ai 12 él deplü leziuns de fitness sön Piz La Ila. Informaziuns y iscriziuns sön www.movi ment.it
12.07.
Gianmarco Tognazzi a Moena
En sabeda ai 12 de messèl te teater de Navalge da les 21:00 l Comitat Manifestazions en­dreza l spetacol de Gian­marco Tognazzi col Trio Saverio Mercadante che conta de ‘Paul McCartney e I Bea­tles-Due leggende’. Biliec su ticketone.it o te ofize de l’Apt.
13., 15. y 17.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.
14.07.
Docufilm sui giacees a Poza
Taca ite col prum apuntament la rassegna ‘A voce alta’ del Comitat manifestazions de Poza con l coordenament de Virna Pierobon. En lunesc ai 14 de messèl da les 21:15 te Piaz de Comun vegn moscià l docufilm ‘Il Canto del Ghiaccio’ che conta l desle­beament del giacé del Lares tel grop del Adamello.
14.07.
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, y n.i.), dala 14:30 nchin la 18:00.
14.07.
Meditaziun y relassamënt cun le sonn dl gong
En lönesc ai 14 de messé pón tó pert a na sesciun de medita­ziun y relassamënt cun le sonn dl gong, defata sura la staziun a munt dl lift »La Crusc 1« a Badia. An s’incunta dales 11:00 a La Crusc, olache an pó ince ciamó se scrí ite.
16.07.
Sëira de juesc cun la lia Trix
La lia Trix nvieia a na sëira de juesc da mëisa n mierculdi ai 16 de lugio dala 19:30 inant sun la plaza dan la biblioteca Tresl Gruber a S. Cristina. L sarà da abiné velch per uniun:a!
16.07.
Sëira tiroleija: bai, mujiga y trohtes
Sun Plaza de Chemun de Sëlva saràl ai 16.07. dala 21:00 inant na sëira tiroleja, cun bai, mujiga y trohtes tradiziu­neles.
16.07.
500 egn de la gejia de Ciampedel
Per la rassegna de Ispirazions d’istà 2025 en mercol ai 16 de messèl da es 21:00 te gejia de Ciampedel l é na scontrèda con Emanuele Curzel e Cesare Bernard che rejonarà di 500 egn di lurieres del 1525 de la gejia de Ciampedel.
16.07.
Degustaziuns de vins
La seria de degustaziuns de vins de Südtirol tl’Alta Badia vá inant. En mercui ai 16 de messé dales 14:30 podarán ciarcé pro le Lech da Sompunt a Badia na seleziun de vins adöm a n sommelier – deno­miná les »4 animes de Süd­tirol«. Prenotaziuns ti ofizi turi­stics dl’Alta Badia o online.
17.07.
La Val: devertimënt por mituns
En jöbia ai 17 de messé dales 15:00 pó mitans y mituns da 3 a 12 agn tó pert a n domisdé cun Elena a La Val. I mituns pó depënje peres, pastelné portatlés y arjigné ca spiduns da ordöra. Iscriziuns online o ti ofizi turistics dl’Alta Badia. Al vëgn damané la presënza de n adult.
17.07.
A spas con Erri de Luca
Per la rassegna »Moena In­contri« en jebia ai 17 de messal vegn endrezà na spazirada con l autor Erri de Luca sun Pas de Sèn Pelegrin rejonan de natura e ambient. Se se bina da le 15:00 ló da la gejiola sul Pas per jir fin al lach de Sèn Pelegrin. Se l é burt temp la scontrada con Erri De Luca sarà da le 17:30 te la sala grana de le Scole de Moena.
17.07.
Defileda dla trohtes y cunzert dla Mujiga
N juebia sëira dala 21:00 a Urtijëi da Plaza S. Antone nchin sun Plaza de Dlieja: de­fileda di guanc dala gher­dëina acumpaniei dala Mujiga de Urtijëi, che tenirà nce si cunzert sun la plaza dan dlieja.
18.07.
La majera jufa dl mond
Ai 18 de lugio dala 21:00 inant uniràl fat la majera jufa dl mond sun Pra da Nives te Sëlva.
18.07.
Imparé val’ deplü sön i fonguns
Tla cornisc dla iniziativa »Atira« vëgnel tigní en vëndres ai 18 de messé na escurjiun, olache an impara val’ deplü sön i fonguns, sciöche an fej da i conësce fora, da i respeté y tröp d’ater. An pëia ia cun Andrea dales 9:30, pro le raiun artejanal da Corvara. Iscri­ziuns online o ti ofizi turistics dl’Alta Badia.
19.07.
Nos mituns, por n de pro i stödafüch
I Stödafüch dl raiun Alta Badia organisëia por i mituns da 7 a 12 agn le »De di mi­tuns«, en sabeda ai 19.07. An s’incunta dales 9:00 dan le ma­gazinn di stödafüch de paisc; i mituns vëgn spo acom­pagná a La Ila. Iló pói imparé a conësce tres jüch le monn dla proteziun zivila. Por la marëna vëgnel fistidié y dales 15:00 vëgn i mituns indô acom­pagná zoruch.

Avisc
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Giramuseo al Museo Ladin
Duc i lunesc con scomenz da les 10:00 l staff del Museo Ladin de Fascia endreza Gira­museo, na raida a descorir la esposizions per duta la familia.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Facon­ti. L cost ie de 5€ per cu­mëmbri dla Lia Gaia.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò daviert dai 2 de lugio inant, uni muerculdi dala 15:00 nchin la 19:00.
Uni mierculdi
Marcià de sëures y de tradizions
Uni mierculdi nchin ai 6 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
13.07.
Unità de scucors di cians de Gherdëina: Di dla porta davierta
L’Unità de scucors di cians de Gherdëina nvieia al di dla porta davierta, n dumënia ai 13 de lugio dala 15:00–17:00 tl pra de adestramënt tl raion ndustriel Mulin da Coi.
13.07.
Südtirol cujina
La show de »Südtirol kocht« ie per l cuarto iede te Sëlva, chëst ann pra la Utia Ciampac te Val, ai 13.07. dala 11:30 inant, cun l Chef Marc Ber­nardi, Chef Norbert Dejaco, Cuech Hanzek Boris y la paura Anna Messner Pera­thoner. Duc ie nviei a chësc evënt culinarich speziel.
14.07.
Tel cher de Penìa
En lunesc ai 14 de messèl con scomenz da les 19:00 fora per l zenter de Penìa se pel jir a la descorida de mestieres e magnères da n’outa con de bona musega.
15.07.
Èrc e mestieres a Vich
En mèrtesc ai 15 de messèl con scomenz da les 21:15 fora per l zenter del paisc de Vich se pel veder veies mestieres compagné da ejibizions de musega.
15.07.
Net te Museo
En mèrtesc ai 15 de messèl da les 21:15 se pel jir a vijitèr de net l Museo de la Gran Vera a Moena. Prenotazions al 337 3011363.
16.07.
A Spas con la musega a Poza
En mercol ai 16 de messèl da les 21:15 sera al trafich la strèda de Meida per ge lascèr lèrga a gropes de musega de ogne sort che endeletarà la spazireèda ensema a vèlch da magnèr e beiver.
16.07.
Golosando a Soraga
En mercol ai 16 de messèl te Pra del Preve a Soraga vegn endrezà l Golosando. Con scomenz da les 18:30 se pel magnèr, scutèr de bela musega e vardèr la esposizions de èrc e mestieres.
17.07.
Festa di gnoches a Vich
En jebia ai 17 de messèl la Musega da Vich endreza la festa di gnoches. Te piaz Massar se pel cercèr trei sorts de gnoches ensema a de bona musega.
26.07.
Marcià di pulesc
L VKE Gherdëina met a jì n marcià di pulesc per mutons y mutans fat da mutons y mu­tans, n sada ai 26 de lugio dala 14:30 nchin la 17:30 sun Plaza Rezia a Urtijëi. N possa se nuté su nchin ai 24.07. dala 18:00 da Kathrin tres Whats­App al 3387327860. Sce l ëssa da vester bur tëmp vën la manifestazion desdita.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
15.07.
Mendret
Dales 20:50 ca. N program de Matilde Gazzini, produziun Media-art, a cura de Alessan­dro Dapunt.
16.07.
Trail Spezial
Dales 20:50 ca. A cura dla reda­ziun ladina.
17.07.
Pizes dla Ladinia – Via Fereda Hans Kammerlander
Dales 20:50 ca. n program de Manfred Stuffer, produziun Karbonvideo, a cura de Ales­sandro Dapunt.

Radio
11.07.
Pec turnei tl Tublà da Nives
Dales 19:05-19:30. Ai 4 de lugio ie unida inaugureda tl zënter culturel Tublà da Nives la mostra de Andreas Senoner da La Sëlva, ulache l ie da udëi d’uni sort de vases, scu­deles y taieresc turnei tl lën. Andreas conta de si pascion per l turné che l’à scuvrì dan doi ani y che ti dà de bela su­desfazions y legrëzes. Tras­miscion de Alex Runggaldier
15.07.
Ladinia Live: »Le lu é chiló«
La mostra dal titul »Le lu é chiló«, metüda fora tla Ciasa dl Parch Natural a Al Plan, presënta la relaziun danter le lu y la porsona, che se partësc le medemo teritore. N pro­gram de Sara Frenner
17.07.
Dai Crëps dl Sela: »Le Raiun Sozial de Gherdëna«
La direturia dl Raiun Sozial de Gherdëna, Martina Com­ploi, nes lascia ciutié ite te chësta strotöra y nes cunta tl menü di sorvisc che vëgn pitá. N program de Sara Frenner

Mujiga
Uni vënderdi
L sona i corni da mont
Te Val puderàn scuté su uni vënderdi (dai 27 de juni inant) for dala 16:30 inant, n cunzert de corni da mont.
06.07.
Musega da la Sardegna sun Ciampedie
L Fascia Panorama Music en domenia ai 13 de messèl da les 11:30 porta sun Ciampedie l jazz-world de Gavino Murgia Mediterran Trio da la Sarde­gna, con Gavino Murgia sax e luneddas, Marcello Peghin chitara e Jarrod Cagwin per­cuscions. En domenia ai 20 de messèl al Chalet Valbona sun Lujia sarà l Chum Tribute di »Maestres de schi« de Fascia.
11.07.
Conzert dla Musiga d’Al Plan
La Musiga d’Al Plan tëgn conzert incö vëndres ai 11 de messé dales 21:00, sön paiun d’Al Plan.
11. y 12.07.
Badia Music Days
Incö vëndres ai 11 y en doman sabeda ai 12 de messé dales 18:00 inant vëgnel tigní pro paiun de Badia i »Badia Music Days«, cun deplü grups che sona musiga pop, blues y rock.
13.07.
Cianté y soné sön munt
L’iniziativa dl »Cianté y soné sön munt« tl’Alta Badia vá inant. En domënia ai 13 de messé dales 13:30 inant él da aldí le trio corgn da munt »Sas­­songher«, tla Ütia Pra­longiá.
15.07.
Cunzert de omaja a Ennio Morricone
Sun Plaza de Chemun de Sëlva dajerà l Classical Mood Quartet de Bulsan n cunzert de omaja a Ennio Morricone, ntan chël che l unirà sunà i pec plu cunesciui de cumpo­sidëur. L cunzert scumëncia dala 21:00.
16.07.
Cunzert dla Mujiga de Schabs
La Mujiga de Schabs sunerà ai 16 de lugio dala 21:00 inant tl zënter Iman a Santa Cristina.
17.07.
Cunzert dla Mujiga de Reinswald
La Mujiga de Reinswald su­nerà ai 17 de lugio dala 21:00 inant sun Plaza de Chemun de Sëlva.
20.07.
Matinée cun la »Ganes«
N dumënia ai 20 de lugio vëniel metù a ji na matinée cun la »Ganes«, dala 11:00 nchin la 12:30 pra la dlieja da Sacun/Urtijëi.

Segres y Festes
11.07.
Sëira dl vin a S. Cristina
Tl raion da jì a pe Bënunì a S. Cristina vëniel inò a se l dé la sëira dl vin, ncuei vën­derdi ai 11 de lugio dala 19:30 inant. Na bela cumpëida de ciuleies dal vin de gran inuem de Sudtirol piterà da ciarcë na vela de vins de gran cualità. A duc i residënc cun la Val Gardena Club Card ti uniràl fat n sconto dl 50%.
19.–20.07.
Segra de Santa Cristina
Doi dis de festa tl Zënter Iman: n sada ai 19.07. scumën­cia la festa dala 18:00 inant. N dumënia ai 20 scumenceràn dala 09:30 cun la Santa Mëssa y la defileda. L ne mancerà sambën nia da maie y da bever per duc.