Gio é inom Stefan Rosso, son da Soraga, é 19 egn, é tanche fat l ejam de matura al Liceo Artistich de la Scola Ladina de Fascia.
Co éla che tu as cernù l liceo artistich?
Gio é semper abù, jà da picol, la pascion per l dessegn e per l zipiar, amò ades fae cadres per mie cont.
Co éla jita con l ejam?
De talian é fat la traccia B2 su la parola respet che la é stata cernuda desche parola del an 2024 dal vocabolar Treccani. Pissave de esser jit mingol fora tem, ma a la fin la é jita ben. Dapò aon cognù far trei dis de projet: se cogneva projetar n element de na cambra per n piciol tanche nasciù, l era da pissar n element particolar con colores algegres e segur per i picoi. Ence chest l é jit ben. En mercol (canche sion jà en stampa) é l ejam a ousc. (MCI)
De plu tla edizion stampeda de La Usc di Ladins o sun l e-paper a paiament www.lausc.it/e-paper
