La Usc di Ladins

N vënderdi dan otodì iel unì metù ora per l 13ejim iede, tl raion da jì a pe »Bënunì« a S. Cristina, l tepih cueciun, ulache 20 ciuleies dal vin de Sudtirol à prejentà si vins. Da coche nes conta la diretëura dla Lia dl Turism de S. Cristina Katrin Pera­­thoner iel unì adalerch ntëur ala 800 nchin 1000 persones. La manifestazion che vën metuda a jì da pert dla Lia dl Turism de S.Cristina n cunlaurazion cun la Lia di Osć de S. Cristina pieta na bona ucajion per ciarcë la sortes de vin desfrëntes che vën fates te Sudtirol. 

Do na sëira plëina de mprescions y ciaculedes n cont dla tradizion y cultura di vins, ons rujenà cun Urban Piccol­ruaz de Urtijëi che lëura coche Moster de Ciulé, Kellermeister per nrescì velch deplù.

Sara Senoner

La. ntervista tla edizion nueva de La Usc di Ladins de n vënderdi ai 18 de lugio.