La Usc di Ladins

Ai 22 de nuvëmber vëniel festejà l di de Santa Zezilia, patrona dla mujiga sacra. L ne fossa nia di plu adatà per lecurdé una dla persunali­teies plu mpurtantes dla mujiga sacra ladina: Stefan Demetz de Sulé/Trafuei. Per chësta rejon iel stat te dlieja de Sëlva na mëssa speziela, suneda y cianteda dal Cor de Dlieja de Sëlva cun cuartet de strumënc de banda y orgun.
L se tratova de na mëssa per i vives y i defonc dl Cor y per lecurdé i cënt ani dala nasciuda de Stefan Demetz. L fin fova chël de l rengrazië per si dedizion al Cor de Dlieja de Sëlva y ala mujiga sacra. N chësta ucajion iel unì purtà dant si cumposi­zion dla Mëssa ladina per cor, orgun y strumënc a fla scrita tl 1982 y si Lauda ala Madona, scrita tl 1988.
Seniëur digan Ivo Costanzi à dit la Santa Mëssa y do mëssa iesen jic sun curtina, ulache l ie mo unì tenì na pitla funzion. N à pona metù sun fòssa de Stefan Demetz na gherlanda y n cëir, ciantan si ciantia Pra capela.

Nathalie Stuffer


Dut l articul iel da liejer tla edizion atuela de La Usc di Ladins.