La Usc di Ladins

En domënia, ai 11 de jená, é deplü zidladus jogn da döt le Sudtirol rová adöm te Fones sön le lüch »Pramstrahler« por se mosoré te na competiziun provinziala de valutaziun de vaces da taces rosses. Incër 30 zidladus jogn á tut pert al concurs y danter chisc ince 5 dala Val Badia.

Por dui zidladus dla Val Badia éra garatada: i punc che i dui zidladus á dé ai armënc portá dancá, rovâ dër dlungia ai punc partis fora dai esperc dla raza. Le zidladú jonn Jan Pedevilla da La Val á batü i atri partezipanc rovan le plü daimpró ala valutaziun di esperc y s’á porchël porté a ciasa le pröm post tla competiziun provinziala de sciazada, o sciöche an dij ince, de »punktieren«. Cun n su punt de desfarënzia, s’á plazé al secundo post le co-zitadin Thomas Ploner. Na bela sodesfaziun che dá ai jogn motivaziun da fá inant cun le zidlamënt.

I dui zidladus jogn ladins podará insciö jí inant y partezipé al concurs internazional de sciazada tl’Austria a Bergland en ocajiun dla mostra de armënc de merz dl 2026.


Deplü da lí ciafëise tla ediziun nöia de chësc vëndres, ai 23 de jená!