La Usc di Ladins

N pü’ plü co n ann él ca da canche Elena Nagler de Badia á metü sö n’ativité che pîta intratignimënt por mituns: da festes de compliann a ativités d’animaziun tratan nozes, manifestaziuns turistiches o evënc aziendai; l’oferta é ampla. 

»Sce le laur plej y an á ligrëza, se lascia döt cant fá«, dij Elena, che á realisé fora de süa pasciun na profesciun. Chersciüda sö tla Val Badia, ára frecuenté les scores tla valada, denanche se scrí ite al’universtié a Porsenú por studié sciënzes dla formaziun primara. Tres pici laurs fac tratan le stüde, á la jona descurí le monn di mituns; chësc ti á plajü. »Do avëi partezipé a deplü proiec da d’isté y avëi fat esperiënza tl ciamp dl’assistënza por mituns, ái capí che al ê le dër’ tru por me«, cunta Elena Nagler. 

Ai 8 de jená á la jona albü l’ocajiun da partezipé sciöche ghesta ala serada d’onoraziun di diplomá cun resultac ezelënc a Balsan. Te chësta serada á l’imprendituria jona porté dant süa esperiënza y süa ativité. 

Ince La Usc di Ladins á albü l’ocajiun da baié cun Elena Nagler de süa esperiënza te n ciamp ciamó püch conesciü sön le teritore, dla realisaziun de sü somi y dles desfides che ara á incunté sön le tru.


Liede inant te La Usc di Ladins da indoman, vëndres ai 23 de jená!