La Usc di Ladins

La Val Badia á albü dan le 1900 dorata püc studiá che s’á dé jö cun so lingaz dla uma. Un de chisc é Micurá de Rü da San Ciascian, mort dl 1847 a Desproch; al â metü adöm na gramatica dal 1833 che ess aldí da gní publicada laota bele, spo ess i Ladins bunamënter ciafé n lingaz unifiché che ess daidé lié adöm deplü düc i Ladins dles Dolomites dan la gran spartiziun dl fascism. De gragn miric á ince le prof. Tita Altón (+1900 ) da Calfosch cun sües publicaziuns de gran importanza sön la storia, la geografia, i idioms ladins, stories y cianties ladines, rimes ladines.

Angelo Trebo é nasciü l’ann 1862 a La Pli de Mareo tla ciasa Biëi Defora; le pere ê n paur ala munt. Angelo â bele adora sintí la vëia da jí a studié y a se imparé valch adöm cun so compagn de scora Jepele Frontull (1864–1930) nasciü a Biëi Daete tla ciasa dl Casun. Intrami ési rová a Balsan a fá la scora da maester.

Leéde inant deplü tla ediziun nöia de La Usc di Ladins da indoman!