La Usc di Ladins

Te döes ocajiuns á la comunité da Corvara orü ti dí giulan a Chël Bel Dî. Ai 29 de setëmber á les umes dl Grup Liturgich por Mituns indô metü a jí le "De dla Custodia dla Creaziun", a chël che tröpes families á tut pert. Cun cianties y oraziuns él gnü recordé l’ejëmpl de San Francësch y rengrazié por la creaziun, por l’ega, l’aier, i tiers, i ciüfs y la vita instëssa. I mituns dla scora elementara á indô porté sü dessëgns, che é gnüs metüs sön na gran tofla. Por stlü jö á Siur Andreas Perathoner benedí düc i früc dl urt, les plantes y i tröc tiers che i fedei á porté por l’ocajiun – iac, cians, cunici, na iarina, finamai dui saioc te na scatora – che é spo indô gnüs lasciá lëdi tla natöra. 
Dantadöt por l’amur y por la grazia da avëi n compagn de vita él gnü rengrazié la domënia ai 9 de otober. En gaujun dla Festa dla Racolta, á le Consëi de Cüra metü a jí ince la Festa di Iubilars.

Liede deplü t’La Usc di 27 d’otober  (Elisabeth Penazzi )