La Usc di Ladins

Canche i á lit le comunicat stampa, minâi che al foss na matada, mo ara n’é nia insciö. Ai 2 de merz dl 2025 él gnü registré sön la munt de Fanes le frëit da record de -43,1°C. Chësta temperatöra é gnüda mosorada dales 6:20 da doman, sö dala Fopa de Medesc a 2.395 metri. Sce i podun incö ves cunté chësta coriosité, él mirit dl "Progetto di Monitoraggio dei Siti Freddi", che vëgn porté inant dai esperc Riccardo Benetti y Giampaolo Rizzonelli dl’Assoziaziun Meteotriveneto. Chësta monitorëia bele da cotan d’agn i posć plü frëic tl raiun dl Trivenet, cun l’aiüt y la colaboraziun dl istitut meteorologich Arpa Veneto.

Deplü sön chësta coriosité podëise lí t’La Usc di Ladins di 31 de otober  (pablo)