La Usc di Ladins

Ert a 360°. L ie mpue chësc, l cunzet che la Lia Mostra d'Ert porta inant. Tla sala dl Circolo, che ie propi bel sun plaza de Sant Antone a Urtijëi, te na luegia ulache l toma menadrë ite nscila la jënt, iel chëst ann unì urganisà diesc mostres d'ert, ma nia mé. Valeria Stuflesser, cunseliera dla Lia Mostra d'Ert, à n juebia dl'ena passeda mpue cuntà per gherdëina dut cie che n à fat y prejentà l calënder dl Circolo dl 2026. Sun la plates de chësc calënder iel per uni mëns na fotografia artistica de una dla manifestazions che la lia à metù a jì via per l ann.

Do la prejentazion dl Calënder iesen jic inant cun la pert sun chëla che l publich se à ncunfertà: la artista de "poetry slam" Irene Moroder de Urtijëi à liet dant si tesć te trëi rujenedes - tudësch, talian y ladin - cumpanieda dala armonica de Mattia Demetz, nce ël de Urtijëi.

Elisabeth Kostner

L articul ntier tla edizion nueva de La Usc di Ladins de n vënderdi ai 24 de dezëmber.