La Usc di Ladins

La jita por festejé i 50 agn é stada deplü co ma n de deboriada. Chëra di 18 de otober é stada na ocajiun da s’odëi indô, da sté en compagnia y ince da stöpé jö forsc val’ recordanzes. Dal punt d’odüda organisatif ne n’ésera nia jüda ia daldöt lizia. Tratan che le comité d’organisaziun â bele metü jö le program picobelo, él gnü püch denant la noela che propi en chël de gnôl saré la strada danter Picolin y Longega. An á insciö messü te cört tëmp s’organisé danü y cun l’aiüt de döes corieres ésera garatada da pié ia. Cotan plü da incrësce é indere stada la noela dla mort dl patrun dl agriturism olache al ê preodü da jí a marëna. Deplü le conesciô de porsona. Ala fin án impó tut la dezijiun da tigní la jita, ince deache al s’â anunzié bëgn 70 partezipanc. Y al é garaté n de da se recordé.

Deplü t’La Usc di Ladins di 31 de otober  (I organisadus)