La Usc di Ladins

Al é dui proiec che me stá dër a cör da agn y tres chi che i sun bogn, por mirit dl impëgn de tröc, da ti pité ai jogn dla Val Badia n isté da nia se desmentié. I dui proiec ti vëgn pitá vigni ann a mituns y mitans de chësta fascia d’eté: "Cool Summer" por i mituns dala 5a elementara ala 2a mesana y "My Summer" por i plü gragn, dala 3a mesana cina ala 2a scora alta.
Les iscriziuns, daurides de merz 2025, podunse dí che é jüdes dër bun y ala fin dl isté sunsi dër contënta dla partezipaziun: 19 edemes sön 21 é gnüdes plënes y indöt él sté 285 partezipanc. N resultat che nes confermëia la crëta dles families y le gran interes di jogn por nostes propostes.

Deplü sön i proiec cunta Vanessa Obwegs dl Sorvisc ai Jogn, sön la plata dla jonëza t’La Usc di Ladins di 31 de agost