La Usc di Ladins

Chëst ann à la grupa Teater de S.Cristina tëut la dezijion de purté dant doi teatri. Do l teater purtà dant da carnescià, udons śën sun palch l pez da rì: »N yogurt da spartì« de Stanley Price, sot ala regia de Annemarie Schenk. La traduzion dl pez te gherdëina à fat Elisabeth Senoner.

N teater da rì per chi che uel udëi l pruzes de Andy Dalpiaz coche l tol ju... o mpo nia. Dla tëma dala dutorëssa, nchin al lere che semea che l uebe resté tla tlinica. Nsciuma, na reprejentazion da chëla che n se mpënsa: "Tan cumplicà ne n'iel nia, ma l toca avisa n pont". Degun gran artifiziel, deguna moral artfiziela. Mé mumënc che spiega velch che pudëssa vester vëira y chël cun na bela porzion de umor.

Na ntervista cun la reghissera y auter pudëis liejer tla edizion nueva che vën ora n vënderdi ai 21 de nuvëmber.

Julia Lardschneider