La Usc di Ladins

Ai 10 d’aurí él gnü tigní la sentada generala dla Crusc Blancia Alta Badia. En chësta ocajiun él gnü moscedé danü les chertes y lité le consëi nü, che restará te chësta inciaria por i proscims cater agn. Les lites á porté n valgügn mudamënc y porta ince ite vënt frësch tl consëi. Marco Ienna, le caposeziun da denant, á de jö süa inciaria, mo á tut la dezijiun da resté inant tl consëi. So post tol ite Lucas Piccolruaz da Badia, che é bele sté 4 agn tl consëi. Dlungia le caposeziun fej ince pert dl consëi 6 mëmbri aconsiadus: Marco Ienna, Elisa Boi, Philipp Miribung y Elias Kantioler, che á bele düc fat pert tl’ultima legislatöra; implü él gnü pormez Jasmine Frenademetz y Maximilian Tolpeit, y lapró vëgnel ciamó le caposorvisc Tomas Dejaco. 

Deplü sön la sentada generala, nes cunta Anna Deiaco t’La Usc di Ladins di 24 de aurí