Calfosch tles mans di stödafüch

Data

13 de auril 2026

Galaria retrac

Grandeza scritura

Social

I stödafüch dl Raiun dla Bassa Val de Puster á tigní a Calfosch süa 71. sentada generala. Tla bela culissa dles Dolomites él gnü surandé 31 onoranzes d’or por 40 agn de ativité – cinch a stödafüch dla Val Badia

Cun sü 48 grups de stödafüch é le raiun dla Bassa Val de Puster le terzo maiú de Südtirol. Pro chësc raiun toca ince la Val Badia cun sü 12 corps de stödafüch – un te vigni paisc. Rodunt söinsom, tl pice paisc da Calfosch, á la surastanza dl Raiun cernü da tigní süa 71. sentada generala, insciö che le paisc é sté por n de intier tles ciafes di stödafüch. Cun n tëmp spetacolar de pröma aisciöda, temperatöres da sté saurí y n’atmosfera de compagnia é les delegaziuns rovades alerch tl pröm domisdé, por mëte man la incuntada cun na santa mëssa deboriada, zelebrada dal curat siur Andreas Perathoner. La sentada instëssa é spo gnüda tignida tla Ciasa Tita Alton, olache al é rové alerch na dërta cumpëda de autorités y rapresentanzes.
N dilan particolar é gnü pronunzié ala fin dla sentada, canche an é jüs fora sön plaza de dlijia, olache al é gnü surandé les onoranzes. Chiló él gnü onoré cun la crusc de mirit d’or bëgn 31 stödafüch che pó mostré sö 40 agn de ativité. Pro chisc n’êl ince cinch dla Val Badia: Roland Pizzinini di Stüdafüch de Badia, Michael Rottonara di Stüdafüch da La Ila, Karl Nagler di Stüdafüch da La Val, Albin Schanung di Stödafüch da Lungiarü y Hubert Ploner di Stödafüs da La Pli de Mareo.

Deplü ciafëise t’La Usc di Ladins di 17 d’aurí (pablo)