Pistes artifiziales

Data

15 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Oslo tla Norvegia vá söla sigüda y déura incö – ai 15 de jená 2020 – na gran hala dai schi y dl sport da d’invern, so inom: SNØ.
L’invern y le frëit n’é gnanca plü garantis tla Norvegia. Porchël déura incö Oslo (a 15 menüc dala capitala) na gran hala por le sport da d’invern.
Al SNØ (chësc l’inom) pón vire les ligrëzes dl invern vigni de y döt l’ann. Te chësc gran implant indoor pón porvé fora le schi da paslunch, alpin, brëia, sciöche prinzipiant y ince sciöche praticant di sports invernai – y ince por alenamënc.
SNØ é ponü ite te n val a 15 menüc da Oslo y á 36.000 m2 de areal curí de nëi sön trëi pistes a deplü liví de dificolté, n parch cun rail, salt y big jump, aldefora de na pista de 1,5 km de paslunch. Ince n areal por chi che mët man cun de vigni sort de schi él ala pert, olache al é ince gnü ponsé ai mituns.
Ince botëghes dai schi y da impresté schi, brëia y guant él tl zënter.
Y al é ince dan man n raiun plü cialt y urbann, cun restoranc, cafés, botëghes dal sport y zënter fitness.

fotos: fis-ski.com / turism oslo

 (Iaco Rigo)

Galaria retrac