La Usc di Ladins

La Marcialonga l à metù a jir la terza edizion de ‘La Scola che cor’, na scomenzadiva che, te doi dis desferenc, tol ite i tousc e la touses de la classes terzes de la mesènes e chi de la classes prumes de duta la scola autes de Fascia e Fiem. Obietif de la giornèdes, che met adum jech e sport, l é chel de ge dèr l met ai studenc de fèr grop, de se goder e de cognoscer più da vejin l teritorie e l gran event de la Marcialonga. »La Scola che cor« per i studenc de la classes prumes l é ence na bela ocajion per veder danef i compagnes de la mesènes che à cernù percorsc desferenc, ti licees de Fascia, al Istitut La Rosa Bianca de Ciavaleis e de Pardac o te la scoles profescionèles de Tieser.
En mercol ai 24 de setember passa doicent joenec e joenetes de la scola autes se à binà al ciamp de atletica de Pardac, per se dèr ju te desferenta proes sportives e jeghes. La Scola Ladina à arjont n gran bel resultat, con doi squadres sul podie: en terza posizion la 1LSA del liceo scientifich e al secondo post la 1LLLB del liceo di lengac.

De più te La Usc stampèda de en vender ai 2 de otober del 2026.  (Thomas Zulian)