Dachelanvia l Consei de procura del Comun General de Fascia à dezidù de sporjer n didament.
Travers la Unità Organisativa di Servijes sozio-assistenzièi, pel vegnir didà la persones e la families enciasèdes sul tegnir de Fascia che no à la ressorses per poder se paèr i fic o la utenzes de cèsa. I besegnes leé a la majon i vegn conscidré essenzièi e donca l é stat pissà che sie emportant se cruzièr de chest vers per sostegnir i sentadins.
Per la utenzes de cèsa vegn entenù la speises de èga e depurazion, lum, gas, refudam e speises de sciudament: per chesta speises pel portèr dant domana de
View the embedded image gallery online at:
https://www.lausc.it/atualite/20938-n-didament-dal-comun-general-per-la-families#sigProId52b639563f
https://www.lausc.it/atualite/20938-n-didament-dal-comun-general-per-la-families#sigProId52b639563f
L contribut l é compatibol con autra soluzions de didament ai vadagnes – vadagn de zitadinanza, vadagn de emergenza, assegn unich provinzièl o amortisatores sozièi, bonus energia e contribut integratif per l fit dat fora dal Comun General de Fascia. Te chisc ultimes doi caji la soma che vegnarà dat fora sarà la desferenza anter l valor total del contribut e l benefize jà ciapà. L contribut massimal che pel vegnir dat fora a la familia l é stabelì te 1.000 euro per i fic de cartier e de 500 euro per la utenzes de cèsa. Per aer azes al contribut ge vel aer n indicator ICEF 2022 no maor che 0,21.
La domanes pel vegnir portèdes dant enscin ai 31 de otober del 2022 col scriver ite l modul aposta che pel vegnir desćiarià dal sit www.comungeneraldefascia.tn.it e dapò consegnà ti ofizies del Comun General.