La Usc di Ladins

La Region autonoma Trentin-Sudtirol se à endotà de n nef regolament de esecuzion de la lege regionèla dai 24 de mé del 2018, che l endreza a na vida più organica e percacenta l sistem de sostegn en favor de la mendranzes linguistiches zimbra, mochena e ladina. L provediment porta dant novitèdes emportantes per renforzèr i struments de stravardament e promozion de la richeza linguistica e culturèla del teritorie. L nef regolament à l fin de sostegnir la scomenzadives e i projec che engaissa la cognoscenza e l sparpagnament di aspec linguistics, storics, culturèi e artistics de la comunitèdes de mendranza, col favorir l svilup, la crescimonia e l renforzament del leam col teritorie olache les é loghèdes e l sentiment de partegnuda identitèra. 

La disciplina ajornèda deschiaresc a na vida puntuèla i ambic de intervent, col perveder l sostegn no demò a ativitèdes culturèles e formatives, ma ence ai cosć de funzionament ordenèr di enc no profit, a intervenc sun strutures e ciasaments destiné a ativitèdes culturèles e a la compra de frabicac leé a la valorisazion de la mendranzes. 

Se pel lejer dut su La Usc nr 22 dai 13 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.