La Usc di Ladins

A jir sa mont no l é mai la segureza piena, ma n muie pel vegnir fat per schivèr l risech e desfrutèr al miec duc i vantajes de na vita o na vacanza anter i crepes. Chisc temes é semper più emportanc, ajache la prejenza turistica ti lesc da mont é cresciuda debel ti ultimes egn, soraldut do l Covid, ma no l é cresciù te la medema maniera la consaputa de la jent sun colugn che pel esser i risesc e i problemes de chesta sort de turism, e nience su la strategies miores per poder se emprevaler de la potenzialitèdes che jir sa mont sporc per noscia sanità.
Per chest da vèlch an en ca l’Azienda Sanitèra de la Provinzia de Trent, col sostegn de Eurac e de autra realtèdes, la met a jir n convegn per fèr informazion e formazion soraldut anter i operadores de la sanità, del socors e del azet e compagnament sa mont.
Chest an te sia 4^ edizion l convegn su medejina e mont é stat endrezà te Fascia, e l se à dejout en vender e en sabeda ai 13 e 14 de jugn. A tor pèrt l é stat envià profescionisć de la Sozietèdes Scientifiches de Medejina da mont, di viajes, de prevenzion, ma ence chi che vif e laora sa mont e se dèsc ju tel socors e ti refuges.

Se pel lejer dut su La Usc nr 23 dai 20 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Lucia Gross)