La Usc di Ladins

L Sorastant de la La Scola Ladina de Fascia Federico Corradini fèsc a saer che vegn metù a jir doi corsc de lengaz ladin per la jent, tant per chi che vel scomenzèr a entener, rejonèr e lejer l lengaz de mendranza che per chi che l sà jà ma i vel l perfezionèr e smaorèr sia competenzes.

Vegn endrezà n cors de basa A1/A2 - CCER per i prinzipianc, dai 22 de setember ai 4 de dezember, vigni lunesc da les 18:00 a les 19:30 e jebia da les 20:00 a les 21:30. L cors é tegnù da Nicoletta Riz.

N cors de livel mesan B1/B2 – CCER, dai 30 de setember ai 9 de dezember, vigni mèrtesc da les 19:00 a les 20:30 e jebia da les 20:00 a les 21:30. L cors é tegnù da Melissa Locatin.

Duc doi i corsc vegn fac en prejenza ló dal Liceo scientifich a Sèn Jan se l é amancol 8 enscinué, l cost l é 100 euro, debant per i sentadins de Fascia che à manco che 20 egn. Per informazions e iscrizions dant dai 21 de setember se oujer a Daniela Vian, telefon 0462 760340 int.8, mail ufficioamministrativo@scuolaladina.com.