La Usc di Ladins

L’aisciuda, se sà ben, l é l moment per la Bandes de Fascia de portèr dant n conzert, metù ensema da la sonèdes enjegnèdes endèna la proes de dut l invern.
Chest an la Banda de Moena à dezidù de meter dant zeche da nef e desvalif; no demò n conzert ma apontin na vera endesfida: Rock contra Folk. 
Cinch cobies de sonèdes fates da un toch rock e un toch folk, e per la pruma outa ence l publich à podù tor pèrt litan la verscion che ge à sapù più bela, de gra a na aplicazion enjegnèda per l’ocajion da Marcello Chiocchetti.
L conzert l é scomenzà con na picola comedia de doi vivandieres regolèdes da rock e doi museganc regolé con la mondura de la Banda, per fèr entener la endesfida anter i doi stei de musega e coscita la vivandieres les à prejentà la sonèdes endèna dut l conzert.


Podede lejer dut su La Usc dai 17 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Silvia Dellantonio)