La Usc di Ladins

Gorizia, zità che con la slovena Nova Gorica é stata declarèda capitala de la cultura 2025, ge à dat alberch dai 20 ai 22 de november al ‘Colloquium retoromanistich’, n event cultural e linguistich ruà a la IX edizion che presciapech vigni trei egn (con vèlch saut), bina adum studié, enrescidores e ativisć de la comunanzes leèdes dal lengaz retoroman: furlan, ladin e romanc. Se trata de n moment emportant de barat cultural, olache vegn portà dant e metù a confront i studies fac, i obietives arjonc e i problemes amò averc ti setores linguistich, leterèr, normatif, didatich e ence te la istituzions de la trei comunanzes.
Metuda a jir da la Societât Filologjiche Furlane »Graziadio Isaia Ascoli«, chesta edizion se à dejout per la pruma outa te la zità de chest linguist e glotologh de nonzech.
Anter duc i reladores che à portà dant referac dassen enteressanc e su argomenc desferenc, vèlch un più tecnich, etres più divulgatives e curiousc o ence con stel ironich e lijier, l era ence desvalives ladins.

Se pel lejer dut su La Usc nr 46 dai 28 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.



 (Lucia Gross)