La Usc di Ladins

Dai 22 de otober ai 3 de november se à dejout a Faenza la edizion numer 58 de la »Festa della Montagna«, l event de la UOEI (Union operaia di escurscionisć taliegn) che vigni an d’uton ge dèsc lèrga te la zità de la provinzia de Ravenna a fac, persones e etres aspec carateristics de la mont.

Dal 1989 en ca l event vegn endrezà dal giornalist Giuseppe Sangiorgi, che jà da n muie de egn l à troà te Fascia sia seconda cèsa e che ence a la »Festa della Montagna« l vèrda de fèr ruèr semper mingol de noscia val e de la Dolomites. Pascionà soraldut de ogne sort de sport da mont, Sangiorgi ge à dat lèrga jà te la pruma edizion al Hockey Club Fascia, e dapò ti egn l à chiamà ju n muie de protagonisć e atlec de nosc raion.

Se pel lejer dut su La Usc nr 46 dai 28 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Lucia Gross)