La Usc di Ladins

Val dl Isarch – Doi enes alalongia iel ustaries che fej pea da Sterzing nchin Perbian, che vizia si ghesć cun derzedes gastronomiches y nvieia a ciarcë.

Enes gastronomiches cun na tradizion longia
Ntan che la natura se descëida y n vëija i prims sënies dl’ansciuda, nvieia la Val de Isarch a scuvierjer sëures nueves. Da dejeneies incà ie la “Eisacktaler Kost“ n apuntamënt fis tl calënder dla manifestazion de Südtirol che pieta sibe ala jënt da tlo, coche nce ai seniëures, derzedes che lieia tradizion y criatività. Doi enes alalongia ie cëives da d’ansciuda y prudoc regiunei tl zënter – da rezetes tlassiches nchin a nterpretazions modernes. 

N

• 
• 
• 
• 
• 
•  

View the embedded image gallery online at:
https://www.lausc.it/atualite/31350-ceives-particuleres-pra-la-eisacktaler-kost-2026#sigProId58325b7240

sënt la sëur di prudoc locai
Gran mpurtanza ti vëniel daniëura dat ala relazion danter produtëures dl post, osć y ghesć. Chësta sinergia renfurzea la regiunalità y sotrissea l valor dl’agricultura de nosc raion. Truep ingredienc che vën adurvei te cësadafuech vën diretamënter da nosc raions y ti dà na sëur autentica. 
Nscila vëniel tëut ca prudoc locai coche prudoc dal lat, salverjina y ueves da alevamënt alalergia, vins, verdura coche craut, patac y runi o nce blava coche orde, furmenton, siela y ierbes y spezies che ie elemënc essenziei per i cëives da d’ansciuda. Chëst ann iel inò unì a s’l dé pra la “Sëures dla Val de Isarch” na cunlaurazion cun i prudoc cun la merca de cualità de Südtriol coche l miel o i mëiles de Südtirol IGP.

Fé pea y vënc
Da tradizion pra l’ena gastronomica toca ntant nce l juech cun pesć ulache l possa fé pea duc i tlienc dla ustaries che fej pea. I partezipanc y la partezipantes à la puscibltà de vëncer bons da jì a maië te una de chësta ustaries y n possa fé pea pra l juech nce online. 

Plajëi che fej de bon
La ustaries che fej pea pra la “Sëures dla Val de Isarch” ti dona nce chëst ann na pert dl davani ala “Trotzdem reden" de Persenon, che à l fin de sustenì persones che ne n’ie nia plu bones de rujené.

I urganisadëures dla scumenciadiva rengrazia duc si partner y sustenidëures che juda acioche la scumenciadiva posse uni ann unì a s’l dé y la Val dl Isarch devënta nscila nce tl 2026 n pont de ancunteda per i amanc dla gastronomia regiunela.

Sun www.eisacktalerkost.info iel da abiné duta la nfurmazions n con’ dla Ena gastronomica dla Val dl Isarch.