Atualmënter
Lounge Bar Urtijëi
Uni juebia nchin ai 5 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 26 de jené saràl mujiga dal Café Soviso, coche nce ai 5 de merz.
28.02.
Cunzert dl Ensemble Gherdëina
L Ensemble Gherdëina à l plajëi de nvië a si cunzert n ucajion de si 30 ani: ai 28.02. dala 21:00 tla dlieja de S. Cristina.
Referac
23.02.
La Val: omeopatia por gragn y pici
En lönesc ai 23 de forá dales 19:30 él te pice salf de Comun a La Val n referat cun Irene Hechenberger, olache ara nen vá de »Omeopatia por vigni caje, por gragn y pici«. Organisaziun: Uniun dles ëres La Val.
04.03.
Karl Felix Wolff y la liënda dl pice Re Laurin
En mercui ai 4 de merz dales 19:00 él tl »Forschungsinstitut Brenner-Archiv« tla strada Josef-Hirn a Desproch na serada de referat y discusciun sön »Karl Felix Wolff y la liënda dl pice Re Laurin« cun la prof. univ. dra. Ulrike Kindl. Organisaziun: Literaturhaus am Inn, Brenner-Archiv, Istitut Ladin Micurá de Rü y Euregio Tirol-Tirol dl Süd-Trentin.
Chino
Atualmenter
Al chino de Cianacei
Insnet, vender 20 de firé da les 21:00 l é »Streif« n film per la Olimpiades, sabeda 21 da les 21:00 l é »Cime tempestose«, vender 27 da les 21:00 l é l film per la families »Goat, sogna in grande«.
Atualmenter
Al chino de Pardac
Insnet, vender 20 de firé da les 21:00 l é »Song, Sung, Blue« per ingleis, sabeda 21 da les 17:00 l é »Goat« e da les 21:00 »Agata Christian«, mercol 25 da les 21:00 l é »Ben, rabbia animale.
Atualmenter
Al chino de Tieser
Insnet, vender 20 e sabeda 21 de firé da les 17:30 l é »Goat, sogna in grande«, vender da les 21:00 »Agata Christian« e sabeda da les 21:00 l é »Cime tempestose«, mèrtesc 24 da les 21:00 l é »Agata Christian«.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun
View the embedded image gallery online at:
https://www.lausc.it/manifestazions-y-evenc/31299-manifestazions-atuales#sigProIddac168ce05
https://www.lausc.it/manifestazions-y-evenc/31299-manifestazions-atuales#sigProIddac168ce05
24.02.
Tassie – corsc sportives
Dales 20:50. Test y regia Matilde Gazzini, produziun Mediaart, a cura de Alessandro Dapunt.
25.02.
Trail Spezial
Dales 20:50. A cura dla redaziun ladina.
26.02.
Euro – magazin de economia
Dales 20:50. Test y regia Diego Clara, produziun Zak, a cura de Leo Senoner.
Radio
20.02.
Agorà – Christian Ferdigg, poet cun l cuer a Assisi
Per Christian Ferdigg, nseniant, poet y filosof de Mareo ie la speranza y la fede doi valores che se tën per man. Te n mond, che dà unidì for plu la mprescion de jì da ruf ora, nes spiega Christian si vijion dl crià y de coche Assisi, la zità che l à tëut su, ie deventeda si post dl cuer. Dlongia i pensieres meditatives nes lascia l poet nce audì si usc critica n cont dla sozietà (segonda pert). Trasmiscion de Ivan Senoner.
22.02.
»Si mujiga viv inant«
Ciantarins y musizisc' unic a mancé ntan l 2025. Te chësta segonda trasmiscion lecurdons mo d'autri ciantarins y musizisc' morc ntan l ann 2025, artisc' che ova na gran energia tl ciante y suné ma che tumova a uedl nce pervia de si cumpurtamënt sun palch y si furnimënt – outfit nce mpue strambo datrai. Audiron velch sun David Johansen. Roy Ayers, Connie Francis, Ozzy Osborne, Rick Davies y Ace Fredley y scuteron nce su si mujiga. Trasmiscion de Georg Mussner.
Temp Lede
Atualmenter
Carnascèr sui festii
Fin ai 22 de firé se pel jir a veder la ciasetes fornides su da Carnascèr endrezèdes da privac, sociazions, istituzions e gropes sui festii fora per l paisc de Vich e sia frazions, col coordenament del Comitat Manifestazions.
21.02.
Dolomites Val Gardena Skijöring
La Lia di Ciavei de Gherdëina nvieia al Dolomites Val Gardena Skijöring ai 21.02. dala 18:00 inant pra la stazion japé dl Secëda.
23.02.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y paslunch. Por tó pert mësson se scrí ite sot a www.scuolafondo.it
25.02.
Cun e-bike y rodes da agüs söla nëi
La Scora de schi da Calfosch mët a jí vigni mercui na escurjiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al'Armentarola a San Ciascian. Prenotaziuns pro la Scora de schi da Calfosch, anter le de denant.
25.02.
Cui schi da sëra
Tl'Alta Badia pón jí vigni mercui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l'implant adoron na cherta dai schi che vel plü dis.
25. y 26.02.
Nos Ladins cun Daniel
Tres l'iniziativa »Nos Ladins« pón descurí la vita y val'mistier dla jënt dla valada. Ai 25 de forá pón s'incunté a La Ila cun Moritz Craffonara, che cunta sciöche ara é da manajé na ütia da munt; ai 26.02. pón imparé cun Hannes a San Ciascian le laur da conditur. Infos y prenotaziuns pro i ofizi turistics dl'Alta Badia.
26.02.
Freestyle show a Vich
En jebia ai 26 de firé sul ultim toch del portoi Thöni, sora la forenadoa, da les 21:15 se pel veder l spetacol de freestyle show di maestres de schi de la scola de Vich-Ciareja e i atlec del Fascia Freestyle Team.
26.02.
Spetacul söi schi a San Ciascian
La Scora de schi da San Ciascian tëgn n spetacul sön i schi, en jöbia ai 26 de forá dales 21:00, sön la pista »Piz Sorega A«. Adöm ai maestri de schi sarál ince le »Pirates Freestyle Team« che mostra de vigni sort de esibiziuns söi schi.
26.02.
Bun de Gran Risa
Cina ai 5 de merz él vigni jöbia l'iniziativa »Bun de Gran Risa«, olache l'implant de Piz La Ila vëgn bele daurí dales 6:55. I partezipanc pó, adöm ai maestri de schi, porvé fora bele adora n percurs sciöche na gara de Copa dl monn. Prenotaziuns ti ofizi turistics dl'Alta Badia.
Uni lunesc
Cërtl de letura
Tla biblioteca de San Durich a Urtijëi se ancónten uni lunesc dala 18:00 per n cërtl de letura cun Nicoletta. N liej deberieda l liber »Quello che possiamo sapere« de lan MacEvan. Duc possa unì a fé pea.
Uni juebia
Ciaculon deberieda – per ladin
La Union di Ladins de Gherdëina mët a jì la ancuntedes de »Ciaculon deberieda« per chi che scumëncia y chi che ulëssa miuré
View the embedded image gallery online at:
https://www.lausc.it/manifestazions-y-evenc/31299-manifestazions-atuales#sigProIddac168ce05
https://www.lausc.it/manifestazions-y-evenc/31299-manifestazions-atuales#sigProIddac168ce05
Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Strada di Pr de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d'atres dependënzes s'incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 169 8343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun'ëura al'ena a fé vel' stroz, cialé di mutons:ans o judé ulache l ie debujën. L servisc ie debant y duc possa s'l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfurmazions de sustëni pòssen tò su cuntat cun: Trauer- & Krisennetzwerk Südtirol VFG – info@trauernetzwerk-sued tirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
18.03.
Scontrèdes de auto mutuo aiut
La sociazion Rencureme de Fascia e Fiem endreza scontrèdes de auto mutuo aiut per chi che à te cèsa parenc con problemes de memoria e decadiment cognitif. Terza scontrèda en mercol ai 18 de mèrz da les 20:00 te Ciasa de Noscia Jent a Poza.
Sport
24.02.
HC Gherdëina vs. HDD Jesenice
Tl stadio Pranives de Sëlva saràl ai 24 de fauré dala 20:30, la partida dl campiunat AHL (Alps Hockey League) danter l HC Gherdëina y l HDD Jesenice.
26.02.
HC Gherdëina vs. Rittner Buam
Tl stadio Pranives de Sëlva saràl ai 26 de fauré dala 20:30, la partida dl campiunat AHL (Alps Hockey League) danter l HC Gherdëina y i Rittner Buam.
Dotours
Dutor Gherdëina
L dutor de servisc da n sada ai 21.02. dala 08:00 daduman nchin la 08:00 daduman de n lunesc ai 23.02. ie l dutor Valentin Tröbinger de Sëlva, tel. 0471/773073 o l 335 684 4944.
Doturs Val Badia
Tla fin dl'edema dl 21 y 22 de forá él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Corvara, Badia y La Val él en sorvisc le dotur Alberto Caretta, Badia, tel. 0471 839706 o 380 3161999.
Apoteches
Apoteca Gherdëina
L'apoteca che ie de servisc ora dl orar urdiner de giaurida, da n vënderdi ai 20.02. nchin n vënderdi ai 27.02. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 20 de forá dales 19:00 al vëndres ai 27 de forá ales 19:00, é chëra d'Al Plan, tel. 0474 501240.
Mostres
View the embedded image gallery online at:
https://www.lausc.it/manifestazions-y-evenc/31299-manifestazions-atuales#sigProIddac168ce05
https://www.lausc.it/manifestazions-y-evenc/31299-manifestazions-atuales#sigProIddac168ce05
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Manuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
Garejedes de schi te Gherdëina
La mostra ie dedicheda ala garejedes de schi che ie states te Gherdëina. La sarà davierta nchin ai 7 de auril, dal lunesc nchin al vënderdi dala 08:00 nchin la 13:00, tl prim partimënt dla Cassa Raiffeisen de S. Cristina.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà da udëi nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nueva tl Museum, per scuvierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina. Orar: dal lunesc al vënderdi dala 10:00 nchin la 16:00.
Atualmënter
Mumënc... tla Dolomites
La mostra cun lëures de Gabriel Demetz tl Café Surëdl resterà da udëi nchin ai 30 de merz ntan i orars de giaurida dl Café Surëdl.
Atualmënter
Mostra »All'inizio tutto era mare«
Tl salf dles manifestaziuns da Corvara él da odëi ciamó cina ai 22 de forá la mostra »All'inizio tutto era mare« de Matteo Agreiter. Orars: vëndres y sabeda dales 8:00 ales 12:00 y dales 16:00 ales 18:00: domënia dales 10:00 ales 12:00 y dales 16:00 ales 18:00.
Uni vënderdi de fauré
Vijita meneda tres la mostra nueva tl Museum Gherdëina
La curadëssa Jamila Moroder menerà tres la mostra nueva »Pec de n mond« – figures de Gherdëina danter na imaja de sé y na ududa sun l mond: uni vënderdi ntan l mëns de fauré, dala 16:00 nchin la 17:00. L ne n'ie nia debujen de se nuté su.
24.02.
Mostra de fotografies
En mertesc ai 24 de forá pón jí a ti ciaré cun i schi ala mostra de fotografies di 40 agn dla Copa dl monn tl'Alta Badia, adöm al ex atlet de schi Roberto Erlacher. An pëia ia dales 13:30 da Piz La Ila demez y an podará descurí les imajes sciöche ince aldí val' storia sön les gares. Iscriziuns ti ofizi turistics dl'Alta Badia.
Teater
27.02.
A teater a Tieser
En vender ai 27 de firé da les 20:45 te teater de Pardac, per la rassegna de teater de Fiem, l é la compagnia Multiversoteatro, en colaborazion con CSC e PACTA, che porta dant l toch »Dalser, La Mussolina«.
Avisc
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
Atualmënter
Picolin: portina por assistënza y cura
La Portina por l'assistënza y cura é daverta trëi iadi al'edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl'alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L'ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L'ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
27.02.
Instà tl Bosch per mutons:ans dla scolina: iscrizions
L pruiet »Instà tl Bosch«, per mutons y mutans dai 3 nchin a 6 ani, vën metù a jì dala Scolina tl Bosch, dai 06.07. nchin ai 07.08. dala 07:45-12:30. La iscrizions possa unì fates tres mail ai 27.02. dala 12:30 inant: megger@canale scuola.it
27.02.
Enes dla ventura per mutons:ans dla elementera: iscrizions
L pruiet per l instà «Enes dla ventura», per mutons y mutans dai 7 nchin ai 9 ani, vën metù a jì dala Scolina tl Bosch, ntan l'enes dai 10.08.–21.08., dala 07:45–12:30. La iscrizions possa unì fates tres mail ai 27.02. dala 12:30 inant: megger@canalescuola.it
09.-12.03.
Sakl: iscrizions
L pruiet per l instà Sakl, per mutons y mutans dl 2011-2014 (*n valguna enes nce per chëi dl 2009–2010), vën metù a jì dala Nëus Jëuni Gherdëina, dai 22.06. nchin ai 28.08. L orar muda da ena a ena. La iscrizions possa unì fates tres mail a info@njg.it, per Urtijëi ai 11.03., per la frazions ladines de Ciastel ai 12.03., per S. Cristina ai 10.03. y per Sëlva ai 09.03., for dala 07:00 inant. Nfurmazions plu avisa sun www.njg.it.
09.–13.03.
Iscrizions »Gaia«
La Lia Gaia mët a jì n pruiet da d'instà, per mutons y mutans dl 2015-2020. L pruiet va dai 6 de lugio nchin ai 21 de agost. Orar: 07:45–14:30. La iscrizions vën tëutes su dai 09.03. dala 08:00 inant nchin ai 13.03. tres l formular sun www.pro-gaia.net.
23.02.–02.03.
Pavël: iscrizions
L pruiet per l instà Pavël, per mutons y mutans dl 2015– 2022, vën metù a ji dal VKE deberieda ai Chemuns; a Urtijëi dai 29.06. nchin ai 21.08., a Runcadic dai 27.07. nchin ai 21.08., a S. Cristina y te Sëlva dai 06.07. nchin ai 21.08., for dala 07:30–14:30 y n vënderdi nchin la 15:30. La iscrizions possa unì fates tres l portal VKE, for dala dala 07:00 inant: Runcadic 23.02.; Urtijëi, S. Cristina y Sëlva ai 02.03.
13.04.
Instà Vif – iscrizions
L pruiet Instà Vif, per mutons y mutans dl 2013–2019, vën metù a ji dai Chemuns de Gherdëina deberieda cun lies, dai 22.06. nchin ai 21.08. dala 08:30-12:30 o dala 13:30-17:30. La iscrizions possa unì fates ai 13 de auril dala 20:00 inant tres l link o QR–code che n abina sun l julantin dat ora.
Cursc
20.02.
Iscrizions: Balé do la mesa età
L KVW de Urtijëi mët a jì diesc ancuntedes de bal cun la referënta Gabriella Senoner Verginer, dai 24.02.–28.04., for dala 17:00–18:30 te Calonia a Urtijëi. La iscrizions ie ncuei, 20 de fauré: 329 069 4818. Priesc: 60€ per cumëmbri KVW, 70€ per nia cumëmbri.
12.03.
Curs da inrissé üs
En jöbia ai 12 de merz dales 19:00 ales 20:30 él tl Ciastel de Tor a San Martin n curs da inrissé üs cun Rosmarie Verginer. Le cost é de 10,00€ a ce, i posć é limitá. Prenotaziuns al 339 3115679.
