La Usc di Ladins

Do avëi batù doi iedesc l Bregenzerwald, n merdi dl’ena passeda ora de cësa per 2 a 0 y n juebia dl’ena passeda tl Pranives per 5 a 2, à l HC Gherdëina nce venciù i doi juesc contra l Jesenice. N sada iela ora de cësa fineda via 2 a 0 cun goi de Davide Schiavone y Simon Pitschieler y n merdi de chëst’ena, te n juech zënza storia dan a n publich de passa mile fans te Sëlva, à la furies venciù per 7 a 1. I goi à fat set jugadëures desfrënc: Dmitri Vozovik, Sebastiano Soracreppa, Simon Pitschieler, Sacha Guimond, Vlastimil Dostalek, Luca Biondi, y Diego Demetz. Per Diego, l tacajuech jëunn de 17 ani, fova chësc l prim gol tla Alps Hockey League.

Chësta juebia iel mo da jughé l ultim juech de chësta segonda fasa dl campiunat, contra l Renon tl stadio Pranives. Ma l ie unfat sce n vënc o n pierd, l HCG ie dessegur inant y monce prim tla grupa B y jugherà perchël l proscim juech di pre-playoffs contra i terzi dla grupa A.

Elisabeth Kostner

L articul tla edizion nueva de La Usc di Ladins de n vënderdi ai 28 de fauré.