La Usc di Ladins

Chest an sarà l otaf centené da la mort de Sèn Franzesch da Assisi, ocajion che fèsc particolarmenter atuèl l liber che ve mete dant chest meis. A la dir duta, l é stat apontin chest cedean che à smaorà la produzion sul Sènt. A la fin del 2025, te pec meisc l é vegnù fora na lingia de libres su la fegura de Franzesch per l recordèr en vista de chesta ocajion, anter chisc chel de Vittorino Andreoli, chel de Alessandro Barbero e, apontin, chel de Cazzullo. L liber publicà dal diretor del Corsera l é chel che é cernù de lejer per vo, perché l met dant n retrat divulgatif del Sènt, fat per n publich lèrch e che vel desmostrèr l’umanità e l’atualità de la fegura più che n studie fon e ‘storich’. Ence per chesta rejon l é stat chel più venù, no demò anter la bibliografia sul Sènt: per desvalives meisc l volum de Cazzullo l é stat te la pruma piazes di libres venui sui sic e te la libreries. N bon segn che, enceben la veres e l odie tel mond, se leje amò de pèsc e amor.

Podede lejer dut su La Usc dai 13 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)