La Usc di Ladins

N vënderdi ai 20 de fauré iel stat la giaurida dla scumenciadiva nterativa »Rock’et« tl self dla mostres dla Lia Mostra d’Ert, Circolo. Cun l moto »plu aut, plu debota, plu inant« spiega la lia si cunzet y sotrissea che l ie n moto che passnea »sibe pra i Juesc olimpics y pra la situazion politica atuela«. Nscila à la lia Mostra d’Ert spiegà che »ntan che n valgun stac se concia ite magasins de ermes y se paredlea cun si putënza, vëniel sotmetù d’autri o che ti vëniel rubà l presidënt. L semea che son inò te na situazion sensibla y tëurbla de cumpetizion che mé na ntraunida particulera possa salvé.

Deplù n con' de chësta scumenciadiva, deberieda cun la paroles dla presidënta dl Circolo, Valeria Stuflesser, pudëis liejer tla edizion nueva de La Usc di Ladins che vën ora n vënderdi, ai 27 de fauré.

Julia Lardschneider