La Usc di Ladins

Se arvejina mèrz, n meis spetà da n muie de pascioné de jazz che te chest temp, oramai da egn, te la valèdes de Fiem e Fascia i à l'ocajion per scutèr de bona musega de calità, tant entorn mesdì enlongia i portoes da schi che sul tèrt domesdì o da sera te paisc e ti teatres. Chest an, defat, l Dolomiti Ski Jazz l é ruà a sia edizion torona numer 30 (na edizion é sutèda per l Covid) e dai 6 ai 15 de mèrz l sporjarà endodanef n program rich e de gran valuta sot la direzion artistica de Enrico Tommasini da Moena, baterist de nonzech cognosciù tel panoram de la musega jazz nazionèla e internazionèla e dal scomenz ideator e diretor de chest festival. Se aon fat contèr coche l é nasciù.
»En realtà l é nasciù desché ‘Fiemme Ski Jazz’ perché ti egn ’90 forin Fiem i troava n event particolar e ence con n valor mingol cultural, fora da le solite robe, per sperlongiar la stagion che de marz la deventa manco bona. Giö è proponet mie robe, musega e l jazz, che l'à n publich belebon de calità, jent che à mingol de cultura, n gust musical. L era persone che se cruziava de promozion turistica che i ge creseva, come la Paola Larger e l Bruno Felicetti, e i à pensà che podeva esser na idea. L é stat mingol sfadios, ence percheche no l era de gran ressorse, se fajeva con pöch, ma l era bel.«
Dapò con Fascia l é doventà Dolomiti Ski Jazz: l program n muie rich con musizisć da dut l mond l é sul sit de l'ApT de Fascia.

Podede lejer dut su La Usc dai 27 de firé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)





 (Lucia Gross)