La Usc di Ladins

La vera anter Israel/USA e Iran à portà i ataches ence te etres Paijes del Medie Orient desche l’Arabia Saudita, olache te la capitala Riyadh l é Federica Iellici del Stupendo da Moena che laora te na Agenzia de l'ONU. L'aon sentuda en mèrtesc bonora, do che per messaje la ne aea scrit che te la net anter lunesc e mèrtesc l era stat tacà l'Ambasciata USA a Riyadh, tel medemo raion diplomatich olache l é ence i cartieres e i ofizies de l'Onu olache la laora.

Co éla la situazion aló? Siede cruzié?
Federica Iellici Fin inier no, ma stanot me à descedà le sirene. Giö l colp no l è sentù ma i me à dit che l é stat n atach a l'Ambasciata americana che la é chigiò vejin. Mio cartier e l ofize olache laore i é te sto raion diplomatich olache l é la maor part de le Ambasciate. La situazion la é delicata, no penseane che i ruasse a tant, l é stat chest atach coi droni, i à colpì l frabicat ma no crese che i aesse fat gran dan, i vegn entercetè e la maor part i li à ciapè, segur no l é stat ferii. Mingol se pol se stremir, ma sion te n post mulge controlà e la prima roba che volesse dir, per chi che me cognosc, l é che no i à da se cruziar per me.

Podede lejer dut su La Usc dai 6 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)