La Usc di Ladins

L é jà tacà ite n nef an de scola e se peissa a projec e scomenzadives neves, da creèr, envièr via e portèr a frut ti meisc che vegn. Nos vardon amò mingol en do e fajon n bilanz de la mostra scientifica ‘Jocalo’ che via per dut istà l era da poder veder te la scoles populères de Vich. La mostra ge jia do al projet lurà fora via per l an de scola passà dai studenc de la clas 3LSA del liceo scientifich de la Scola Ladina de Fascia en colaborazion con la 4D del liceo U. Dini de Pisa col coordenament di dozenc Luca Riz e Thomas Zulian e la professora Sabina Sarti da Pisa. Do esser stat metuda te la Scola de Fascia, a Pisa, a Borgo di Rango e al Muse de Trent la é ruèda sa Vich. Tel alestiment e te la prejentazion à didà l grop de Circensema e l é stat tout ite n muie de joegn. Cater joenes à fat dut istà la guides de la mostra e les à podù fèr na esperienza dalbon de valuta: Nadia Dellantonio, Ester Maria Vian, Gaia Zompanti e Sara Defrancesco. Ge aon domanà coche la é jita.


Podede lejer dut su La Usc stampèda de vender ai 11 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)