La Usc di Ladins

I averseres ne dëssen mei sotvaluté. Chël se à nce ntendù l Gherdëina n dumënia ai 25 de utober ntan l juech ora de cësa contra l Weinstraße Süd. Nce sce sun l papier ëssen pudù miné che l fossa stat na partida saurida, davia che i averseres fova y ie dovia te tlassifica, ne n’àla nia scumencià bën per l Gherdëina. 
Do mé caranta secunc pierd l Gher­dëina la codla y Hermann Plattner tira na drëta sëcia da 25 metri, che ne fova propi nia da pië su. 1 a 0 per l Weinstraße. L Gher­dëina à respundù tl 40ejim menut. N cross de Masha Dragush à abinà Jan Martin Vinatzer bel tl cuer dla area di averseres. L jugadëur de Sëlva ie stat bon de fermé l palé y de l sburdlé cun l pe drët tla porta per l 1 a 1.

Dut l rendicont dla partida, deberieda cun i resultac dl Gherdëina B, Runcadic y dl FC Sëlva, pudëis liejer tla edizion atuela de La Usc.