La Usc di Ladins

La Magnifica Comunità de Fiem se aur e se fèsc cognoscer sul teritorie. Do la pruma doi vijites, che à abù n gran ejit, per todesch e per talian, la pruma a la Gejiola de Loreto a Kalditsch/Doladicia (BZ) e la seconda al Museo-Molin de la ‘Meneghina’ de Caoriana, l é stat pissà a na terza scontrèda del program culturèl »Ai confini della Magnifica Comunità di Fiemme. Storie di un territorio trilingue/An den Grenzen der Magnifica Comunitá di Fiemme. Geschichtliches über ein dreisprachiges Gebiet/Enlongia i confins de la Magnifica Comunità di Fiemme. Storia de n teritorie da trei lengac«. Na neva raida chest’outa sul confin anter la Magnifica Comunià e l Comun General de Fascia.
Per chi che vel jir a descorir i termegn de Roncac e Moena l apuntament l é en sabeda ai 19 de setember con la storica Maria Piccolin che vidarà, per ladin, i partezipanc sul teritorie. Se se bina da mesa les trei domesdì te piaz de Sotegrava a Moena.
L é de obligh la prenotazion a info@palazzomagnifica.eu o al numer de telefon 0462 340812.


Podede lejer dut su La Usc stampèda de vender ai 11 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)