La Usc di Ladins

Dotours
Dutor Gherdëina
L dutor de servisc da n sada ai 26.11. dala 08:00 daduman nchin la 08:00 daduman de n lunesc ai 28.11. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254.
Doturs Val Badia
Le dotur en sorvisc tla Val Badia, tla fin dl’edema di 26 y 27 de novëmber, é le dotur Guido Caretta, Calfosch/Corvara, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 25.11. nchin n vënderdi ai 02.11. ie chëla de S. Cristina, tel. 0471/792 106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 25 de novëmber dales 19:00 al vëndres ai 2 de dezëmber ales 19:00, é chëra da San Martin/Picolin, tel. 0474 523020.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
25.11.
Un n ann »Ve judon«
Dales 19:05. Dan avisa n ann iel unì metù su te Gherdëina la lia »Ve judon«, che à sciche fin chël de mené persones che ne se n stà nia tan bën ti spediei o zëntri de cura per fé terapies. L ie n servisc che vën nuzà da trueps y che fova nce debujën. Pra la lia iel 12 cumëmbri y cun l presidënt Tonin Perathoner y Hansi Felder ons fat mpue n rendi­cont de n ann de atività. Tra­smi­scion de Georg Mussner.
26.11.
L’ert coloniala ti museums europeics
Dales 19:05. Program de Iris Del Valle.
29.11.
Teater musical »Ujöp da Oies« (5)
Dales 19:05. N program de Alessandro Dapunt.
30.11.
I sun düc un (7°) Economìa e lurier dignitous
Dales 19:05. N economìa sostenibola e n lurier degnitous per duta la persones l é l obietif nr. 8 de l Ajenda 2030 de l ONU, chest obietif sera ite tropes aspec de la vita de duc e dutes ajache l lurier degni­tous vel dir ence benesser e respet te n svilup sostenibol per la persones e l ambient. Stefen Dellantonio ne porta dant trei situazions de perso­nes che à perdù l lurier olache vegn fora elemenc de sfruta­ment, desvalivanzes e malesser sot che pel tocèr duc Program de Anna Mazzel e Elide Mussner.
01.12.
Les aventöres de Milia
Dales 19:05. Program de Iris Del Valle.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
29.11.
Spëisa ladina – na derzada söl Ju de Sela
Dales 20:50 ca. Te chësta trasmisciun gnarál arjigné ca na derzada söl Ju de Sela tla ütia Carlo Valentini. Adöm al proprietar y cogo dla ütia Gaetano Bonanno gnarál cojiné n cerf cun rês cöci, pom y pan da saus. Tla trasmi­sciun sarál da odëi ince Giulio Rizzi, responsabl sommelier dl Trentin oriental, che portará dant val’curiosité. Program de Concetta Bonaldi, regia e camera Agostino Fuscaldo, a cura de Anna Mazzel.
30.11.
Deboriada
Dales 20:50 ca. Program de Ivan Senoner y Georg Penn, a cura de Leo Senoner.
01.12.
Scenar ert y cultura
Dales 20:50 ca. Program de Ivan Senoner y Hanspeter Kar­bon, a cura de Leo Senoner.
06.12.
»Emozions« sun AltoAdige TV
Ala se trata de n program de 30 menuc che descriv raions dla Ladinia con sies realtés culturales, storiches, soziopoli­tiches, gastronomiches y dan­taltut popolares dles frazions manco conesciudes dla Ladinia storica. Jent contarà de sies stories y esperienzes. La trasmiscion é da vedei sun Alto Adige TV y và en ona vigni prum merdi dl mens da les 20:40 y vigni prum vender dl meis da les 23:00. En merdi ai 6 de dezember saràl da vedei La Pli de Mareo con Pliscia, olà che de plu abitanc dl post conta sies esperienzes y n toch de storia dla frazion de Mareo. La trasmiscion sarà ence da vedei te internet, sun la plata AltoAdige Tv sot a cultura, spo emozions.

Sport
Atualmënter
Raiffeisen ITF Woman Val Gardena Südtirol
La partides de tennis danter atletes prufesciuneles và inant tl Zënter dal Tennis a Runca­dic nchin ai 26.11.
27.11.
ITF Women Val Gardena Südtirol Raiffeisen 25.000€
La segonda edizion dl turnoi nternaziunel dl’ëiles scumën­cia ai 27.11. y jirà inant nchin ai 03.12., tl zënter dal tennis te Sëlva. Ntan la ultima edi­zion à l turnoi uspità juga­dëures dla top 100, danter l auter nce la ucraina Marta Kostyuk (nr. 57 tla tlassifica mundiela WTA).
01.12.
HC Gherdëina vs. S.G. Cortina Hafro
La partida dla Alps Hockey League contra l S.G. Cortina Hafro sarà ai 01.12. dala 20:30 tl stadio Pranives te Sëlva.

Referac
30.11
ÆQUITAS on tour
A ce pont sons’a cun la vali­vanza de gënder te Südtirol? La cumiscion provinziela per la oportuniteies valives per l’ëiles y la grupa dl servije ëila dla provinzia nvieia a na sëira de descuscion sun chësc argu­mënt, ai 30.11 dala 19:00 te Cësa de chemun de S.Cristina.
01.12.
Iö sun pere y uma – Ci sorvisc y aiüc ciafi pa por mi pici mituns?
Chësc é le titul de na sëra de informaziun che gnará tignida en jöbia al 1. de dezëmber dales 20:00, tl salf dl Istitut Ladin a San Martin de Tor. Al gnará informé sön i aiüc y sorvisc che vëgn pitá tla Val Badia. Referëntes é colabora­dësses dl Raiun Sozial, dl Zënter Families Mareo y dla Ciasa di Pici dla Val Badia.

Religion
03.12.
Ancunté Gejù - mëssa per mutons y families
La mëssa per mutons y fami­lies sarà ai 03.12. dala 17:00 tla dlieja de San Durich a Urtijëi, cun Sn. Digan Vijo Pitscheider.

Mujiga
25. y 26.11.
Presentaziun dla CD »Le ladin te stöa«
En vëndres ai 25 de novëmber tla Ostaria Sotrú a La Pli y en sabeda ai 26 de novëmber dla »Speckstube« dl Hotel Sole a Al Plan – dagnora dales 20:00, vëgnel presenté la CD nöia »Le ladin te stöa – ciances ladines da zacan«. Al sona y cianta Zenzo Obwegs, Silvia Pitscheider, Anita Obwegs y Philipp Schörghuber.
26.11.
SUNS Europe a Udin
En sabeda ai 26 de november da les 21:00 tel Teatro Nuovo Giovanni da Udine vegn endre­zà l gran conzert de la cianties ti lengac de men­dranza de duta Europa. Se pel comprèr i biliec dantfora sul sit: teatroudine.vivaticket.it/

Avisc
Atualmenter
Assegnes de studie del CGF
Enscin les 12:00 di 16 de dezember se pel fèr domana al Comun General de Fascia per i assegnes de studie e i didamenc per speises de viac ai studenc residenc te Fascia del 2° livel de istruzion che à i requisic pervedui. Info e i formulères sul sit www.comun generaldefascia.tn.it o te Ofize Assistenza Scolastica del CGF, tel. 0462 764500 int. 2.
Atualmenter
La dreta regoeta desferen­zièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengaz che se pel desćiarièr dal sit https://fassambiente.it/kit/. Se pel ence domanèr tel Ofize Ambient del Comun General de Fascia (ambiente@cgf.tn.it - 0462764500) e ti Ofizies tribuc de duc i Comuns de Fascia.
Atualmënter
Orares zënter furmazion CEDOCS a Bulsan
L secretariat a Bulsan ie da­viert da lunesc nchin vënderdi dala 08:30 nchin la 12:30 y da lunesc nchin juebia dala 15:30 nchin la 19:00. Tel.: 0471 930096
Atualmënter
Detlarazion dla chëutes–mudamënc de fai
Chi che à dat ju si detlarazion dla chëutes mod. 730 nchin ai 30 de setëmber, possa cumedé fai o fé spezificazions nchin ai 30 de nuvëmber tres l mod. chëutes cumedà (Mod. Redditi corretivo). Per plu nfurmazions: 0471 080730 o sot a www.mycaf.eu.
Atualmënter
Iscrizions: S. Miculau vo ora per la cëses
Nce chëst ann uniràl metù adum grupes de San Miculau che jirà da cësa a cësa. L’iscri­zions vën tëutes su da lunesc ai 21 de nuvëmber inant. Per Urtijëi pudëis cherdé su te ufize dla Nëus Jëuni Gher­dëina al 0471 799006 dala 10:00 inant, per S. Cristina al Cor di Jëuni de S. Cristina al 333 5491707 y per Sëlva tla Lia dl Turism al 0471 777900.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauenhelfen frauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön preno­taziun. Tel. 0474 410303.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lö­nesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
Atualmënter
Contribuc ala »Sconanza di tiers«
I tiers á ma n travert su: scinché amur. Por se tó cura di tiers damana la uniun »Sconanza di tiers« dla Val Badia y de Puster do contribuc de buna man. Por gní mëmbri dla uniun pón paié ite n iade al ann 25,00€ sön le cunt IT 05 Q 08035 58242 0003002 09953. Por infos: Petra Alfrei­der, tel. 335 238 095 o https://tierschutzvereinbruneck.it.
25.11.
La Val: Comun incunta la popolaziun
Incö vëndres ai 25 de novëm­ber dales 20:00, vëgnel tigní tl salf Domëne Moling da La Val la incuntada dl’aministra­ziun comunala cun la popola­ziun. La sëra mët man cun n salüt musical, por passé spo ala relaziun dl Ombolt y di assessurs. Dedô discusciun cun la popolaziun.
26.11.
Aperitif Km 0
En sabeda ai 26 de november da les 5 da sera te Museo Ladin de Fascia a Sèn Jan l projet »alimentare cultura« en colaborazion col Comun General de Fascia e l Museo Ladin endreza n event per cognoscer e valorisèr i prodoc de Fascia con aziendes agri­coles e produtores del post. Vijita compagnèda te Museo, musega dal vif e cerces de prodoc dal post.
26.11.
Lia da Mont de Gherdëina: senteda generela
La Lia da Mont de Gherdëina nvieia do doi ani a si senteda generela cun veles. Chëst ann uniràla tenida te Cësa di Cungresc a Urtijëi n duman sada ai 26 de nuvëmber dala 20:00 .Te chesta ucajion pudëis nce cumpré la marca dl CAI y AVS. La Lia da Mont se ncunforta sun Vosc unì.
30.11.
Encontres con la Biblioteca de Cianacei
La Biblioteca de Cianacei va inant con la rassegna »Se cogno­scione?«. L quarto apun­tament te sala de Consei de Comun l é en mercol ai 30 de november da les 18:00 con »Fascegn a la foresta« con Cesare Bernard e Claus Sora­perra che rejona dintornvia la esperienzes di fascegn ti egn più stentousc.
01.12.
Aiut energetich dla Provinzia
La Provinzia de Bulsan à dat pro n aiut per i custimënc energetics. Families, pensiunei y chi che viv da sëul, che à n valor ISEE sot a 40.000 € arà l dërt de giapé n aiut. L se trata de n aiut una tantum, che vën paià ora un n iede. Per giapé l aiut vàl debujën dla detlarazion ISEE. La dumanda possa unì fata dai 01.12. nchin ai 31.03.2023. Infos: 0471 080730.
16.12
Ujes averc te la Scola de Fascia
En vender ai 16 de dezember da les 14:30 a les 16:30 la Scola Ladina de Fascia aur si ujes per fèr cognoscer si licees, veder si programes e vijitèr la scoles e i laboratories e aer informazions sul projet Ski College.
02.12.
Deberieda: Festa de San Miculau
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, nvieia ala festa de San Miculau, n vënderdi ai 02.12. dala 14:00 tla sala dl Zënter Soziel a Urtijëi.

Temp Lede
Uni mierculdi
Language Café – talian
N se anconta uni mierculdi de nuvëmber tla biblioteca de San Durich dala 09:00 per s’la ciaculé per talian.
26.11.
Sëira leterera: »Nturtidlà«
La Union di Ladins de Gher­dëina nvieia ala sëira leterera ladina dal titul »Nturtidlà«, duman sada ai 26.11 dala 20:00 tla biblioteca ladina Anda Malia da Cudan tla Cësa di Ladins a Urtijëi. Da dedò saràl ucajion de sl’a ciaculé pra velch da maië y da bever.
01.12.-22.12.
Stories y pensieres d’Avënt
Tla biblioteca de Sëlva uniràl liet dant stories y pensieres d’Avënt per ladin, talian y tudësch, for dala 17:30: ai 01., 02,06,07,12, 13,14,15, 19,20,21 y ai 22 de dezëmber.
02.12.–08.01.2023
Urtijëi, luech da Nadel
Chëst ann uniràl inò metù a jì l marcià da Nadel tl raion da jì a pe de Urtijëi. De plu butëighes meterà ora si mar­canzies, sëuraprò saràl inò de plu stonc che dajerà ora da maië y da bever.
02.12.
Cor di Jëuni – Naugurazion dl marcià da Nadel a Urtijëi
N ucajion dla giaurida y naugu­razion dl marcià da Nadel a Urtijëi cianterà l Cor di Jëuni de Urtijëi n vënderdi, 02.12. dala 17:00 tl zënter dl luech.
02.12.
Mostra de criples
Tl raion da jì a pe de Urtijëi uniràl metù ora de plu criples ntan l tëmp da Nadel. La espusizion sarà da udëi dai 02.12. nchin ai 08.01.2023.
03.12.
LADIN POP – usc jones rejona
L podcast nuef de Nadia Moling y Nadia Rungger sarà n sada ai 3.12. dala 19:30 tl zënter de cultura Astra a Persenon.

Teater
Atualmenter
Rassegna de teater
En domenia ai 27 de november da les 15:00 te teater de Ciam­pedel La Mizacoles met dant »La tradida dessenèda«, vender ai 2 de dezember da les 20:30 al PalaDoomites de Ciam­pestrin e domenia ai 4 da les 15:00 te Oratorie de Moena I Amisc del Teater met dant »A jiar col föch«.
25/26.11.
Spetacol per la Dì contra la violenza su la femenes
La sociazion Antermoia coi Comuns de Cianacei e Mazin e l Comun General met dant insnet, vender ai 25 de novem­ber da les 20:30 al PalaDolo­mites e sabeda ai 26 te chino Marmolèda, per la giornèda mondièla contra la violenza su la femenes, l spetacol de Susanna Sturlese »Il nome potete metterlo voi« de Mauro Monni, prejentà tel medemo moment te 50 lesc de la Tèlia.

Chino
Atualmenter
Al chino de Tieser
En vender ai 25 da les 21:15  »Diabolik 2-Ginko all’attac-co!«. En sabeda ai 26 da les 21:00 la comedia »Tutto sua madre«.En jebia 1 de dezember da les 21:15 »Il Colibrì«

Mostres y Ert
Atualmenter
Na mostra e n liber per Tita Pederiva
Fin ai 4 de dezember duc i dis con orarie 16:00-19:00 se pel veder te La Gran Ciasa a Soraga la mostra de operes del artist Tita Pederiva Batiston endrezèda da l’Union di Ladins de Fascia col sostegn del Comun de Soraga. Chiò se pel ence se comprèr l liber col catalogh.
Atualmenter
Matthias Sieff en mostra a Brescia
Te la galaria d’èrt Gare 82, via Villa Glori 5 a Brescia l é fora la mostra »Firmitas«, ope­res del artist fascian Matthias Sieff. La esposizion é da poder veder enscin ai 26 de novem­ber. Contac: www.gare82.net–info@gare82.net–348 2669339.
Atualmenter
Mostra de Reinhold Cigolla a Trent
Te Palaz Trentini a Trent per endrez del Consei Provinzial l é stat metù fora na esposizion de operes de Rinaldo Reinhold Cigolla, se n jit del 2020. La mostra, rencurèda da la fia Anastasia Cigolla, resta fora fin ai 26 de november e se pel la veder dal lunesc al vender da les 9:30 a les 18:30 e de sabeda da les 9:30 a les 12:30.
Atualmenter
Oraries mostra La Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 8 ai 11 de dezember da les 15:30 a les 19:00. La mostra sarà endò averta dai 26 de dezem­ber fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.
Atualmënter
Mostra persunela de Robert Bosisio
La mostra tla Galaria Doris Ghetta a Puntives sarà davier­ta nchin ai 20 de jené 2023.
Atualmënter
Mostra »Nëus« de Christian Stl
La Lia Mostra d’Ert-Circolo de Urtijëi nvieia a unì a ti cialé ala mostra tla sala dla Lia Mostra d’Ert, che sarà da udëi nchin a n dumënia 27.11. uni di dala 17:00-19:00, mierculdi, vënderdi y sada sëuraprò nce dala 20:00–22:00.

Sozial
Atualmenter
Duc ensema ativa-ment
La Sociazion Bambi con Sport­abili Fascia e Fiem e l didament del Comun General de Fascia met a jir n projet de inclujion travers l sport per sozialisèr e tor ju la barie­res. L é 4 apuntamenc de sabeda fin ai 17 de dezember e l é da se scriver ite a Spor­tabili. Per info e iscrizions tor contat (ence whatsapp) con Manuel al 335 8021459.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann.
Atualmenter
Cognoscion »Ensema« e l projet DES
La Coprativa sozièla Oltre fèsc cognoscer sia atività e l projet DES, Distret Economia Solidala. La averc i ujes de la boteiga Ensema, te Piaz Veie 39 a Ciampedel amò anché, vender ai 25 de november, da les 8:00 a les 12:00 e da les 14:00 a les 18:00 e la speta duc per n moment convivial.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).