La Usc di Ladins

Religion
28.05
Pelegrinaje forin Baissiston
En domenia ai 28 de mé fidei de duta la parochies de Fascia, en particolèr bec e joegn de catechesi, Pruma Confescion, Comunion e Creisema con sia families, se bina forin Baissiston per l pelegrinaje a la Madona di Dolor. Vegn dit Messa da les 12:00 e da les 14:30 l Rosar co la meditazion di joegn de la parochies.
28.05.
Pasca de Mei
L Cunsëi de Pluania de Urtijëi mët a jì na sëira cun mujiga, meditazion y Spirt Sant, n dumënia, ai 28 de mei dala 18:00 te dlieja de S. Durich a Urtijëi. L cianterà la grupes: De Cater, Marion y Carmen Insam y l Cor dl’Ëiles de Urtijëi. Danterite saràl da audì vel’ testemunianza y meditazion n con’ de Pasca de Mei y dl Spirt Sant.
19. y 20.06.
Pelegrinaje a Maria Luggau y Maria Lussari
Le KVW dla Val Badia mët a jí n pelegrinaje a Maria Luggau y Maria Lussari, ai 19 y 20 de jügn. Informaziuns y prenotaziuns anter i 4 de jügn pro Christoph Pezzedi al 333 7219535 o crix.pezzedi @gmail.com

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30.Families y porsones che á debojëgn ciafa spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Atualmënter
Ciamena dal guant a Picolin
La Ciamena dal guant a Picolin é inant daverta la jöbia dales 14:00 ales 16:00 por se chirí fora guant, mo al vëgn perié da ne porté nia plü guant dala fin de ma inant, deache la Ciamena dal guant messará plü inant porvé da se chirí n’atra sënta. Sce zacai ess locai adatá da mëte a despo­siziun, ési dër bel periá da se lascé adintëne pro la Ciamena dal guant. Plü inant gnarál lascé alsavëi sciöche ara vá inant.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Dotours
Dutor Gherdëina
L dutor de servisc da n sada ai 27.05. dala 08:00 daduman nchin la 08:00 daduman de n lunesc ai 29.05. ie l dutor Valentin Tröbinger de Sëlva, tel. 0471/773073 o l 335 6844944. N lunesc ai 29.05. ie l dutor Michael Trocker de Urtijëi de servisc, streda Promeneda, tel. 388 2580002.
Doturs Val Badia
Le dotur en sorvisc ti cin’ comuns dla Val Badia, tla fin dl’edema de Pasca de Ma ai 27 y 28 de ma, é la doturia Stefania Febbraro, Al Plan de Mareo, tel. 377 3288595. Le Lönesc de Pasca de Ma ai 29 de ma él en sorvisc le dotur Martin Spechtenhauser, La Ila, tel. 0471 844200. Sura la festa nazionala al 1. y ai 2 de jügn él en sorvisc le dr. Guido Caretta, Calfosch/Corvara, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 26.05. nchin n vënderdi ai 02.06. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 26 de ma dales 19:00 al vën­dres ai 2 de jügn ales 19:00, é chëra da Corvara, tel. 0471 830237.

Mujiga
Atualmënter
Cianton deberieda – cianties populeres cun Willi Runggaldier
L KVW de Sëlva nvieia chi che à legrëza a cianté n cum­panìa a fé pea pra chësta manifestazion, che unirà metuda a jì per de ndut mo 3 iedesc te Sëlva, for de sada, dala 15:00: ai 27 de mei tla ustaria Val, ai 10 de juni ta La Ciajota, ai 17 de juni tl bar Okay ora Plan da Tieja. Per nfurmazions: 340 5170711. La manifestazion ie debant y l ne ie nia debujën de se lascé nuté su.
27.05
Conzert »Scomenz« per i 90 egn
En sabeda ai 27 de mé da les 21:00 te tendon de Poza l Conzert d’Aisciuda sarà spezièl, per l cedean de la Musega de Poza. I museganc de Poza e chi de Vich i sonarà adum, vidé ence dal maester badiot Fridl Pescoller, per ne fèr jir de retorn a jai 90 egn, canche dut l é scomenzà.

Avisc
Atualmënter
»Club Boé«
Le »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Contat: Hubert (tel. 339 1698343) y Methilde (tel. 335 6977604).
Atualmënter
Iniziativa di ëi de Puster
L’ofize dla MIP – Männer­initiative Pustertal dëida i ëi te caji de separaziun y situa­ziuns de dificolté. L’ofize é tl Paternsteig nr. 1 a Bornech, davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
27.05.
Laboratorie sul becherle
En sabeda ai  27 de mé per endrez de Comun General de Fascia e sociazion Artcipe­lago, da les 9:30 ta Capitel a Poza (lo da la Malga Croci­fisso) laboratorie tel bosch per bec dai 5 ai 11 egn e vijita al Segat de Meida. Info e prenotazions al 0462 764500/4 o a cultura@cgf.tn.it
27-28.05.
Cors de eletrocoltura per orc e vidores
En sabeda e domenia ai 27 e 28 de mé fora Tieser en colaborazion con Terre Altre vegn metù a jir n cors su la tecniches de eletrocoltura per miorèr la produzion de orc e vidores. L cors l é a paament e a numer serà fin a 30 perso­nes. I enteressé pel tor contat con Loredana al 370 3424686 o per mail a terrealtre@gmail.com
05.06.
Iscrizions: Scola de criatività
La iscrizions per la Scola de criatività ie daviertes ai 05.06. dala 07:00 y possa unì fates mé tres mail. Per l ann de scola 2023/24 ie la scola de criatività prugrameda n iede al’ena, for de meiculdi domesdì, per mutons:ans dla 4. y 5. tlasses dla scola elemen­tera y per chëi:les dla 1., 2. y 3. tlasses dla mesana.

Chino
Atualmenter
Al chino de Cianacei
Doman, sabeda ai 27 domenia e 28 de mé da les 17:00 vegn moscià »La Sirenetta« e da les 21:15 l é »Fast X«.
Atualmenter
Al chino de Tieser
Doman, sabeda ai 27 de mé da les 21:15 en 3D e en dome­nia ai 28 da les 17:00 vegn moscià »La Sirenetta«. En domenia ai 28 de mé da les 20:30 l é »Fast & Furious X«.

Cursc
06.06.
Antermëia: curs de yoga
Le Sport Club Amatorial da Antermëia en colaboraziun cun le Consëi de Formaziun da San Martin mët a jí n curs de yoga cun Gabriel Prada, te palestra a Antermëia. Le curs por prinzipianc y pro­gredis mët man ai 6 de jügn dales 18:45 y vá inant indöt 6 iadi, tres de mertesc. Info y iscriziuns: yogamiga.info@gmail.com o al 347 5877635. Cost: 65,00€ por sozi dla uniun, 75,00€ por i atri.
07.06.
San Martin: emergënzes pro de pici mituns
Le Consëi de Formaziun da San Martin mët a jí n curs de pröm aiüt por emergënzes pro de pici mituns: en mercui ai 7 de jügn dales 18:00 ales 22:00, tl salf dl Istitut Ladin a San Martin. Referënc é Sabine Falk y André Miribung dla Crusc Blancia. Al gnará insigné teoria y pratica dl pröm aiüt y les normes de reanimaziun pro i mëndri, o ci fá sce ai se dlot valch. Infos y iscriziuns: cf.sanmartin detor@gmail.com

Sport
Atualmenter
Atletica per bec e gregn
La US Monti Pallidi en colaborazion col Ski Team Fascia à endrezà n cors per fèr atività fisica, jir a corer e se arcedèr. L vegn metù a jir d’aisciuda e d’uton, de lunesc e de jebia da les 17:30 a les 18:45 a Poza, da oril fin de jugn e de setember e otober; l cost l é 90 € per bec e 100 per gregn. Info e iscrizions al 0462 574101.
26. y 27.05..
Al Plan: »Energiapura Chil­dren & Kids series awards«
Al Plan ospitëia ince iniann les premiaziuns di atlec de schi jonil. Incö vëndres dales 19:00 él pro paiun spëisa y boanda cun musiga dla »Keller Band«. Sabeda ai 27.05. mët man le program dales 9:30 y spo dales 12:30 premiaziuns. Ghest spezial é Luca Braathen, lapró sarál ince atlec sciöche Max Blardone, Tobias Kastlunger, Denise Karbon y d’atri.
24-25.06.
Te Fascia la UCI Enduro World Cup
Ai 24 e 25 de jugn a Cianacei vegnarà endrezà na tapa de la Copa del Mond de MTB, la UCI Enduro World Cup de Fascia, sui percorsc endrezé dal Fassa Bike District anter Ciampac, Belvedere e Col Rodela.

Iadi y Jites
01.06.
Jita d’ansciuda al Felixer Weiher
La Lia da Mont Gherdëina nvieia a na jita da d’ansciuda al Felixer Weiher a Neva Tudëscia, n juebia ai 1. de juni. L sarà da jì de n dut ca. 4 ëura y mesa cun n deslivel de 250 metri suvier. N pëia via dala 07:30 dal Hotel Oswald te Sëlva, dala 07:35 da Santa Cristina y da Plaza Sant Antone a Urtijëi dala 07:45. Maià vëniel ora de flucion. N possa se nuté su nchin merdi ai 30.05. da Ciofes Inge a Urtijëi, da Malsiner Soriva a S. Cristina, da Sport Bruno Riffeser te Sëlva.
04.06
Via fiereda sun l Ölberg
La Lia da Mont de Gherdëina nvieia a na jita sun l Ölberg. L se trata de na via fereda nueva tl raion de Sterzing (Pfitsch). La via fereda vën rateda mesanmënter ria. L sarà ca. 2 ëura da jì suvier. Da tò pea iel n casco, atreza­tura de segurëza, de bon ciauzei, velch da se paré dal surëdl y dala plueia y la marënda ora de flucion. L vën pià via dala 07:40 da Sëlva, 07:45 da S. Cristina  y dala 08:00 da Urtijëi. Priesc: 18€ per chi che ie scrit ite ala lia (13€ per jëuni nchin 21 ani). N possa se nuté su dal lunesc, 29 de mei inant da Ciofs Inge a Urtijëi, Sport Malsiner a S. Cristina y Sport Bruno Riffes­ser te Sëlva. Per plu nfurma­zions: Philipp 334/3338903, Valentin 338/8362004, Ivan 348/7803397.

Mostres y Ert
Atualmënter
Mostra »Nosc bosch«
La grupa dla Scolina tl Bosch nvieia de cuer ala vernissaja de si mostra »Tl bosch«, ai 23 de mei dala 15:00 inant tl Café Surëdl a Urtijëi. La mostra sarà da udëi nchin ai 16 de juni, dal lunesc nchin al vënderdi, 09:00–19:00.
Atualmënter
Mudazion–mostra tla furtëza de Furtëza
L’UNIKA nvieia de cuer a unì a ti cialé ala mostra »Mu­da­zion« tla furtëza de Furtëza, che jirà inant nchin ai 4 de juni.
Atualmënter
Mostra »Flower-Power«
Tla galaria Vijion a Puntives iel da udëi na mostra culetiva dal titul »Flower-Power«, cun opres che trata la tematica dl ciof. Artistes y artisć che mët ora: Elisa Alberti, Harald Plattner, Alfons Walde, Valeria Stuflesser, Egon Digon, Leonora Prugger, Stefan Gross, Andrea M. Varesco, Fabrizio Senoner y Gregor Prugger. La mostra resta davierta nchin ai 17 de juni, dal lunesc nchin la sada dala 16:00–19:00.

Temp Lede
Atualmënter
La Val: ala descurida dl paisc
Ince fora por i mëisc da d’isté pón tó pert a na ciacia al tesur particolara fora por le paisc da La Val. Ara se trata de na spazirada interativa da na staziun al’atra fora por les fraziuns dl paisc cun le travert da ciafé la parora de soluziun. Dötes les informaziuns y i materiai da pié ia ciafon tl ofize turistich da La Val.
Uni vënderdi de mei
»Coffee Talk« per spanuel

• 
•  

View the embedded image gallery online at:
https://www.lausc.it/manifestazions-y-evenc/23789-manifestazions-atuales#sigProIdc32691bc37

tla biblioteca San Durich
Ntan l »Coffee Talk« a Urtijëi uniràl rujenà spanuel uni vënderdi dl mëns de mei, for dala 10:00. Na cunescënza de basa dla rujeneda ie bënududa.
28.05.
Festa dl FC Gherdëina
L FC Gherdëina nvieia ala festa dl palé n dumënia ai 28 de mei sun la plaza dal palé a Urtijëi. Dala 11:00 inant saràl la partides di jëuni y dala 16:00 inant la partida dla prima scuadra contra l Reischach: n juech scialdi mpurtant, che pudëssa auzé de categuria la prima scuadra su tla »Landesliga«, sce n ie boni de fé almanco un n pont. Ntan dut l di giaperàn da maië y da bever y dala 18:00 saràl DJ Ondi che mët su mujiga. Unide trueps a fé l tifo y a festejé cun nëus.
02.06.
MitiBlum
La prima edizion de chësc festival che dura doi dis, vën metuda a jì te Sëlva, dai 2 nchin ai 3 de juni. Doi dis, che ie dedichei al scumencia­mënt dl instà, ntan chëi che n puderà scuvrì la ravises dl bënsté tla natura: rituei de yoga deschëuc ti bòsc o tl’ega, meditazions, picknick,... N possa se nuté su cherdan su l 0471 777910.
08.06.
La Ila: jüc da mësa
La Biblioteca Sas dla Crusc inviëia a n domisdé d’aorela cörta cun jüc da mësa por döta la familia, deboriada cun le »Spieleverein Dinx«. An s’incunta en jöbia ai 8 de jügn dales 15:30 ales 17:30, te biblio­teca a La Ila. Na bela ocajiun por imparé jüc nüs, che an pó ince se impresté fora.

Teater
26.05.
Te Navalge a teater
Ultim apuntament per la rassegna »NavalGei e teater« endrezèda dal Comitat mani­festazions de Moena ensema al Comun. Insnet vender ai 26 de mé da les 20:45 la compagnia Aldebaran de Juan porta dant »Roba da matti«.
27.05.
L mago de Oz
En sabeda ai 27 de mé da les 20:30 al PalaDolomites de Ciampestrin vegn portà dant l spetacol de teater ‘Il mago di Oz’, projet e regia de Mi­chela Marangoni. L spetacol l é l resultat del laboratorie de teater per bec sostegnù dal Comun General de Fascia e la Region Trentin Sudtirol.

Referac
27.05.
Permacultura
L KVW Urtijëi nvieia al domesdì de nfurmazion cun Ujep Runggaldier, n sada ai 27 de mei dala 16:00 inant (ca. 2 ëura), te tublà y verzon dla cësa Pizer, tla streda Rumanon 40 a Urtijëi. N rujenerà de filosofia de vita y de na maniera sustenibla de senté ora te verzon, de cumpré ite y de cujiné.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
30.05.
Les Dolomites Unesco y süa rëi de museums
Dales 20:50 ca. I museums ti raiuns alpins mostra ince sö la relaziun che la porsona á cun la munt, cun sües usan­zes, tradiziuns y la vita da vignidé y é gonot ince la teste­monianza de na mendran­za, cun süa cultura y sües tradi­ziuns. La rëi de museums »VisitDolomites«, ponsada dala Fondaziun Dolomites Unesco, á le travert de fá conësce les richëzes dles Dolo­mites, che fej pert de nosc patrimone natural y cul­tural, por spo jí a les descurí söl post. Program de Karin Pizzi­nini, a cura de Anna Mazzel.
31.05.
Trail spezial
Dales 20:50 ca. A cura de Jasmin Ferdigg.
01.06.
Scenar ert y cultura: Carmen y Marion Insam - Popcorner
Dales 20:50 ca. Trasmisicon dedicheda al panorama mujichel dla Ladinia, jan a spaziré danter Gherdëina y Fascia. La surans Carmen y Marion Insam lascia rundenì si ujes mujeles ciantan sibe covers che cumposizions sies. La grupa Popcorner fej ora dl’energia rock si pont de forza. Doi grupes che desmo­stra che l’atività dla grupes mujicheles tla Ladinia ie plu viva che mei. Test y cunzet: Ivan Senoner, regia Hans Peter Karbon, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
30.05.
Maria De Val, one woman show
Dales 13:45. La musizista ladina Maria Moling, cone­sciüda poleplü por sü proiec musicai de »Ganes« y »Me and Marie« é da püch gnüda fora cun n singul nü y en chësc iade nes presëntera te n proiet da solista. Te chësc program nes cuntera de süa cariera profescionala, de sü traverc y de sü proiec atuai. N pro­gram de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
26.05.
»Nosc luesc à abù n gran svilup, ma perchël ne pudons sën nia fermé dut«
Dales 19:05. Cun l ambolt de Sëlva Roland Demetz rujenons te chësta segonda trasmiscion dla sortes de cunvenziunamënt y de si rejon de vester, dla segonda cëses y de truepa d’autra pitla tematiches che à da n fé cun l’urbanistica de nosc luesc de turism. Trasmi­scion de David Lardschneider.
27.05.
Momënc de vita: intervista a Michele Pellegrini
Dales 19:05. Michele Pelle­grini é nasciü tl 1936 a Salejei de Sot olache al vir ciamó aldedaincö. Michele Pellegrini nes cunta dla scora elementara a La Pli de Fodom y de ci che al se recorda di agn dla secun­da vera mondiala. Al nes cunta ince dl laur da paur y dla vita da vignidé inlaota. N program de Erika Castlunger.
28.05.
Agorà: L’ert coche espanscion dla vijion sozioculturela
Dales 19:05. Cun Greta Lang­gartner, diretëura artistica dl zënter culturel Tublà da Nives jons a analisè chëla che ie al mumënt la situazion y la ndesfidedes dl scenar artistich te Gherdëina. Cun la prospe­tiva jëuna y innuvativa jons a cialé ciuna nfluenza che l artejanat artistich y l’ert à abù ti »bon ani« y de coche la »crisa« possa vester n’ucajion per descedé la criatività dla generazions da ncueicundì. Dut chësc, cialan de ne pierder nia de ududa la realtà che nes ncertlea, in primis chëla lieda nce ala tecnologies nueves (prima pert). Trasmiscion de Ivan Senoner.
29.05.
Eduard Demetz »Atlas der schönen Welten«
Dales 19:05. Performance de paroles y mujiga, n proiet de mujiga tlasica cuntemporanea y leteratura dl cumpositëur de Sëlva Eduard Demetz n culaburazion cun l cërtl »Literatur Lana« y prudot per l festival Transart 2022. La première dl pez ie unida purteda dant tl cunvënt de Marienberg tl Vinschgau de auton dl 2022. Program de Leo Senoner.
31.05.
Clam 2021
Dales 19:05. L’enrescida sozio-linguistica CLAM 2021 che tol ite ladins, mochegn e cimbri scomenza a der indica­zions cleres su la politica lingui­stica da meter a jir per stravarder la mendranzes. En rejonon co la professora Patrizia Cordin coordenadora del projet, Lara Battisti presi­denta de l’ICL »Majon di fasegn« e sia diretora Sabrina Rasom adum con Denni Dorigo diretor de l’ICL »Cesa de Jan«. Program de Anna Mazzel.
01.06.
Piza de Sant’Antone o Lagació?
Dales 19:05. Por che n sciore pois vire y odëi nosta valada da süa pert plü bela, ól ester val’iade valgügn dl post che sá da aconsié. Trëi ostis dl’Alta Badia se á studié fora n proiet por ti dé na proposta ad hoc ai ghesć che vëgn tla Val Badia en vacanza. Pro­gram de Sara Frenner.

Segres y Festes
04.06.
Segra da Bula
La Mujiga da Bula nvieia cun plajëi ala Segra da Bula, n dumënia ai 4 de juni. L di de festa scumëncia dala 09:00 cun na santa mëssa suneda da na grupa de strumënc a banda, y jirà inant dut l di cun mujiga y devertimënt. Da bever y da maië nen manceràl sambën ënghe nia.