La Usc di Ladins

Nostes munts
Le Museum Ladin inviëia a n laboratore creatif sön les munts dles Dolomites, en vëndres, ai 14 de merz dales 16:00 ales 17:30, tl MusLa Ursus ladinicus a San Ciascian
Descoriun adöm le monn dles munts: A forma de jüch y te na manira artistica cun papier scarzé y corusc cheriunse na contrada da munts infinimënter beles!
Na esperiënza che liëia creativité, mister y dever­timënt. Le laboratore é por mituns y mitans da 4 a 8 agn. Le cost de partezi­­paziun é de 5,00€ y tó pert pó al plü 15 mitans/uns a laboratore. Al vëgn perié da s’anunzié por mail a prenotaziuns@museumla din.it o por telefon al 0474 524020.

Proieziun cun Massimo Santoro
Le

• 
•  

View the embedded image gallery online at:
https://www.lausc.it/manifestazions-y-evenc/29028-manifestazions-atuales-speziales#sigProIda71c133562

fotograf apascioné da Porsenú mostra sües fotografies en mercui ai 12 de merz dales 20:30 tl salf dl Istitut Ladin a San Martin de Tor
Massimo Santoro á 25 agn. Al é chersciü sö tla val de Lijun y abitëia incö a Porsenú.
Ti ultims agn ál svilupé na pasciun tres plü sterscia por la fotografia dla natöra. Sot al motto »Mein Weg zur Na­tur (Fotografie) – Mi tru de­vers la (fotografia) dla na­töra«, tignarál na proieziun de fotografies, en mercui ai 12 de merz dales 20:30, tl salf dl Istitut Ladin a San Martin. Sön invit dl Fotoclub Val Badia mostrarál le monn fantastich dla natöra y sü gröm de detais demorvëia.

I sorvisc dla »Südtiroler Krebshilfe«
Le Raiun Sozial Val Badia en colaboraziun cun la Südtiroler Krebshilfe pîta na portina de informaziuns por dé suport, consulënza y informaziuns ütles a chi che nen á debojëgn
Chësc sorvisc é ponsé por vignun che oress ciafé informaziuns sön les ofertes dla Südtiroler Krebshilfe, sciöche contribuc por cumpré parü­ches, portapiec (BHs) y costüms, so­stëgn finanziar por chi che afrontëia dificoltés economiches a gauja dla maratia, ativité fisica sciöche ginastica y acquagym, grups de autoaiüt, opor­tunités de tëmp lëde, drenaje linfatich, sojornanzes al mer y sö por munt, ativités de informaziuns y assistënza psico–oncologica.
Por n termin o de plü informaziuns cherdede sö le 348 0075284, dal lö­nesc al mercui dales 8:30 ales 12:00.

»Reset ... y

• 
•  

View the embedded image gallery online at:
https://www.lausc.it/manifestazions-y-evenc/29028-manifestazions-atuales-speziales#sigProIda71c133562

düt mët man danü«
Tosc a San Martin na comedia te 3 perts de Roman Frankl y Michael Niavarani
La traduziun tl ladin y la regia dl toch é de Matteo Rubatscher.
Les rapresentaziuns sará chisc: vëndres ai 14 de merz dales 20:00, do­mënia ai 16 de merz dales 20:00, mertesc ai 18 de merz dales 20:00, sabeda ai 22 de merz dales 20:00 y domënia ai 23 de merz dales 15:00.
Les prenotaziuns vëgn tutes sö al numer de tele­fon 0474 646030.

»Ecuiliber« – n program de ativités anter sport, natöra y bëgnester
L’iniziativa nöia metüda a jí tl’Alta Badia dal 13 al 16 de merz pita deplü ativités amesa la natöra liades ala sanité y ince cun personaji conesciüs sciöche l’alpinist Hervé Barmasse
La manifestaziun »Ecuiliber« mët man en jöbia ai 13 de merz cun n danmisdé dediché al paslunch y al yoga pro le zënter de paslunch a S. Ciascian dales 9:30. Da sëra vëgnel tigní na presentaziun cun l’alpinist Hervé Barmasse dales 17:30 tl salf dles manifestaziuns a Corvara che cunta de sües esperiënzes.
Adöm al alpinist pón fá le de do n’escurjiun cun les pels al lové de sorëdl dal Valparola ai pra »Kammerwiesen« por rové jö al Sciaré, olache an pó se gode n bun gosté. L’iniziativa vá inant la sabeda ai 15 de merz dales 9:00 cun na spazirada anter natöra y bëgnester cun l’esperta de erbes Helga a Badia y dales 15:00 pón tó pert a n curs da arjigné ca de pi­ceres marënes sanes adöm a Davide. »Ecui­liber« se stlüj jö la do­mënia ai 16 de merz danmisdé cun n’in­troduziun al’arpizada sön dlacia al Sas Dlacia. Por tó pert a un di apun­tamënc, adinfora dla presentaziun de Barmasse che é daverta a düc, mësson se scrí ite pro un di ofizi turistics dl’Alta Badia.

Lu y laurs, i gragn predadus incër nos ia
Sëra de informaziun y discusciun cun le referënt Luca Complojer
Le Consëi de Forma­ziun Al Plan inviëia a na se­rada informa­tiva söi gragn preda­dus lu y laurs che é da incunté tres plü y plü ince incër nos ia ince tles valades ladi­nes, en mertesc ai 11 de merz 2025, dales 19:30, tl salf dla Cassa Raiffeisen a Al Plan de Mareo.
Le referënt Luca Com­plojer é jagd­­wirt y mëm­­ber dl Consëi provin­zial dla Uniun di Iagri.

Cun i schi a löm de ciandëra
La pista Gherdenacia a La Ila gnará ilominada dales 20:00 ales 22:00 don insciö la poscibilité da jí cun i schi ince da sëra
En jöbia ai 13 de merz vëgnel metü a jí la manifestaziun »Cun i schi a löm de ciandëra«. Dales 20:00 ales 22:00 podarán jí cun i schi ince da sëra sön la pista Gherdenacia a La Ila, che gnará ilominada tres jö da chentli y füc. La pista sciöche ince les üties de chësc raiun restará da­vertes ince da sëra. Jö por pista y ince pro la staziun a val dl implant ne manciarál nia animaziun adöm a deplö artisć y ince musiga cun DJ.
Por la segurëza mëss vigni schi­adú avëi na löm da frunt, che pó en cajo gní imprestada fora pro l’implant portamunt. Por podëi tó pert al’ini­ziativa mësson avëi n schi­pas che vel por plü dis.

Primules per n bon fin
Per l di dl’ëila à l’ëiles dl SVP inò metù a jì la scumenciadiva dla primules
L’ëiles dla SVP de Gherdëina mët a jì la azion dla primules per l di dl’ëila. Chël che n trajerà ite ti jirà ala nrescida sun l crëibes.
N sarà ncuei, vënderdi ai 7 de merz, dala 08:00 inant te Sëlva dan la butëiga Sartëur y a Urtijëi dan l’usta­ria Ianesc dala 08:30 inant. Duman, sada ai 8 de merz, saràn dan la butëiga Macia­coni dala 08:00 inant.
N dumënia ai 9 de merz saràn a Runcadic dan dlieja do mëssa dala 10:00 y sa Bula dan dlieja do la mëssa dala 08:00.