La Usc di Ladins

L stravardament di teritories da mont e la desvalivanza de tratament anter la valèdes l é i argomenc metui dant te la interogazion, con resposta scrita e a ousc, che la conseiera Mirella Florian à manà ite ai 13 de mé a la presidenta del Consei General Tea Dezulian e al procurador Edoardo Felicetti.
Florian, che raprejenta l Comun de Sèn Jan tel Consei del CGF e la fèsc pèrt del Grop Mescedà, l'à manà ite la interogazion do aer vedù te la delibera de la Provinzia proponeta dal assessor Mario Tonina ai 8 de mé che la Cèsa de la Comunanza inaudèda da pech é stata classifichèda demò desche 'spoke' donca n presidie sanitèr de livel più bas, e no desche 'hub', donca n zenter sanitèr con duc i servijes e la tecnologies aldò. Tel medemo temp se sent ipotisèr che la califica de 'hub' podessa ge vegnir data a la Cèsa de la Comunità perveduda ja Pardac.

Podede lejer dut su La Usc dai 22 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (LG)